கோழிக்கறியை மிக்ஸியில் அரைத்துக் கொள்ளவும். வெங்காயம், பூண்டு மற்றும் குடைமிளகாயை பொடியாக நறுக்கிக் கொள்ளவும். கேரட்டைத் துருவிக் கொள்ளவும். மல்லி, புதினா இலைகளை பொடியாக நறுக்கிக் கொள்ளவும். ஒரு கடாயில் தண்ணீர் சேர்த்து ஒரு மேசைக்கரண்டி கல் உப்பு சேர்த்து கொதிக்கவிடவும். இதில் முட்டைகோஸ் இலைகளை சேர்த்து 5 நிமிடங்கள் இரண்டு பக்கமும் திருப்பிப் போட்டு கொதிக்க விடவும்.

இதனை ஒரு வடிகட்டியில் வடித்து கொள்ளவும். மசாலா தயாரிக்க குறிப்பிட்டுள்ள பொருட்கள் அனைத்தையும் ஒரு கிண்ணத்தில் சேர்த்து நன்கு கலந்து கொள்ளவும். வடிகட்டிய முட்டைகோஸ் இலையின் அடிப்பகுதியில் உள்ள தண்டை வெட்டி எடுக்கவும்.

இவ்வாறு எடுத்துவிட்டால் முட்டைகோஸ் இலை ரோல் செய்வதற்கு சுலபமாக இருக்கும். இப்பொழுது தயாரித்துள்ள மசாலாவை தேவையான அளவு முட்டைகோஸ் இலையில் வைத்து மடித்து சுருட்டிக் கொள்ளவும்.

இவற்றை இட்லி பாத்திரம் அல்லது ஸ்டீமர் இல் வைத்து ஆவியில் வேகவிடவும். அடியில் முட்டைகோஸ் இலைகளை வைத்து மேலே சுருட்டிய முட்டைக்கோஸ் இலைகளை வைக்கலாம். அல்லது தட்டின் அடியில் எண்ணை தடவி அதன் மேல் சுருட்டிய முட்டைகோஸ் இலை வைத்து வேக விடலாம். விருப்பப்பட்டால் எலுமிச்சம் பழத்தை வெட்டி ஒவ்வொரு முட்டைகோஸ் ரோலின் மீது வைத்து வேக விடலாம். எலுமிச்சம் பழத்தின் சாரு இறங்கி உள்ளே இருக்கும் பூரணம் சிறிது புளிப்பு தன்மையுடன் இருக்கும்.

இதனை 40 நிமிடங்கள் சிறு தீயில் ஆவியில் வேக வைக்க வேண்டும். சுவையான சிக்கன் டோல்மா ரெடி. இப்படியே சாப்பிட மிகவும் ஆரோக்கியமானதாகும். மேலும் மாலை நேர சிற்றுண்டியாக சாப்பிடுவதற்கு க்ரில் செய்து சாப்பிடலாம். ஒரு பானில் 2 மேஜைக்கரண்டி எண்ணெய் சேர்த்து அதில் ஆவியில் வெந்த முட்டைகோஸ் ரோல்களை வைத்து இரண்டு பக்கம் திருப்பி போட்டு கிரில் செய்து எடுக்கவும்.

மிகவும் சுவையான இந்த புதுவிதமான சிக்கன் டோல்மா, சாஸுடன் பரிமாற பொருத்தமாக இருக்கும்.