{இட்லி மட்டன் கறிக்குழம்பு}

முதலில் மட்டனை மஞ்சள்தூள் சேர்த்து நன்கு கழுவி வைக்கவும். அடுத்தது ஒரு கடாயில் எண்ணெய் ஊற்றி, 3 சின்ன வெங்காயம், கருவேப்பிலை சேர்த்து வதக்கவும்.
வெங்காயம் வதங்கிய பிறகு தக்காளி சேர்த்து வதக்கவும். தக்காளி பாதி வதங்கியதும். இஞ்சி பூண்டு விழுதை, மஞ்சத்தூள் சேர்க்கவும்.

அடுத்தது பச்சை வாசம் போன பின்பு மட்டனை சேர்த்து 5 நிமிடத்திற்கு நன்கு கிளறவும். சூப்புக்கு தேவையான அளவு தண்ணீர் சேர்த்து 15 நிமிடத்திற்கு கொதிக்க விடவும். 15 நிமிடம் கழித்து மட்டன் சூப் எடுத்து தனியாக வைக்கவும். (குழந்தைகளுக்கு மட்டன் சூப், சாதம் மற்றும் மிளகுத்தூள் சிறிதளவு சேர்த்து கலந்து கொடுக்கவும்.)

அடுத்தது ஒரு கடாயில் எண்ணெய் ஊற்றி சூடேற்றிய பின்பு இதில் காய்ந்த மிளகாய், கருவேப்பிலை, சோம்பு, பட்டை, கிராம்பு, கசகசா, முழு மிளகு, சின்ன வெங்காயம், 4 பல் பூண்டு, 1 துண்டு இஞ்சி, சேர்த்து நன்றாக வதக்கவும் வதங்கிய பிறகு கொத்தமல்லி பொடி மஞ்சத்தூள் சேர்த்து கலந்து விடவும். பிறகு ஆறவிட்டு, மிக்ஸியில் தேங்காய் துண்டுகள் சேர்த்து விழுதாக அரைக்கவும்.

அரைத்த மசாலா விழுது, தேவையான அளவு தண்ணீர் மற்றும் உப்பு தேவையான அளவு சேர்த்து கடாயை மூடி 1/2 மணி நேரம் கொதிக்கவிடவும். 1/2 மணி நேரம் கழித்து இதில் கொத்துமல்லி இலை சேர்த்து பரிமாறவும்.