காஞ்சிபுரம் மசாலா தோசை

ஒரு கடாயில் எண்ணெய் ஊற்றி சூடான பின், வெங்காயம் சேர்த்து வதக்கவும்.

பின்பு துருவிய காரட், பீட்ரூட், தக்காளி சேர்த்து வதக்கவும்.

நன்கு வதக்கிய பின் கொத்தமல்லி இலைகளை தூவி இறக்கவும்.

மற்றொரு கடாயில் எண்ணெய் ஊற்றி சூடான பின், கடுகு, சீரகம், வெங்காயம் சேர்த்து வதக்கவும்.

அதன் பின் மஞ்சள் தூள், பெருங்காயத்தூள், உப்பு மற்றும் பச்சை மிளகாய் சேர்த்து வதக்கவும்.

பின்பு மசித்த உருளைக்கிழங்கு சேர்த்து 5 நிமிடம் வதக்கி கொத்தமல்லி இலைகளை தூவி இறக்கவும்.

தோசைக்கல்லை சூடாக்கி ஒரு கரண்டி மாவை ஊற்றி தோசை வார்த்து ஒரு ஸ்பூன் எண்ணெய் தெளித்து விடவும்.

பின்பு ஒரு ஸ்பூன் இட்லி பொடியை தூவி விட்டு மேலும் ஒரு ஸ்பூன் எண்ணெய் அல்லது நெய் தெளித்து விடவும்.

தோசை மேல் காரட் பீட்ரூட் மசாலாவை பரப்பி வைத்து நடுவில் உருளைக்கிழங்கு மசாலாவை வைக்கவும்.

மசாலா தோசை மேல் நறுக்கிய வெங்காயம், கொத்தமல்லி இலை, நறுக்கிய வெங்காயத்தாள் தூவி விட்டு மேலும் ஒரு ஸ்பூன் நெய் தெளித்து சூடாக பரிமாறவும்.