குக்கரில் துவரம்பருப்பு கழுவி சுத்தம் செய்து எடுத்து தேவையான அளவு தண்ணீர் ஊற்றி வேக வைத்து எடுத்து மசித்து வைத்துக் கொள்ளவும்.

இஞ்சியை தோல் சீவி நன்கு இடித்து தனியே எடுத்து வைக்கவும்.பிறகு மிளகு, சீரகம் கொரகொரப்பாக இடித்து வைக்கவும்.

வாணலியில் எண்ணெய் ஊற்றி காய்ந்ததும் கடுகு தாளித்து கறிவேப்பிலை, காய்ந்த மிளகாய் சேர்த்து வதக்கி இஞ்சி இடித்தது சேர்த்து வதக்கவும்.பிறகு பச்சை மிளகாய் சேர்த்து வதக்கவும்.

இதில் தக்காளி சிறிதாக நறுக்கி சேர்த்து மஞ்சள் தூள், உப்பு சேர்த்து வதக்கி சிறிது கொத்தமல்லி, கறிவேப்பிலை பிய்த்து சேர்த்து வதக்கவும்.

பின்னர் மசித்து வைத்துள்ள பருப்பு தண்ணீர் சேர்த்து கலந்து விட்டு உப்பு சேர்த்து கொத்தமல்லி, கறிவேப்பிலை சேர்த்து சீரகம் மிளகு இடிச்சது சேர்த்து கொள்ளவும்.

லேசாக கொதித்து நுரை கட்டி வரும்போது அடுப்பை அணைத்து விட்டு எலுமிச்சை சாறு பிழிந்து விடவும். பிறகு கலந்து கொள்ளவும். சூப்பரான இஞ்சி எலுமிச்சை ரசம் தயார்.நன்றி