உருளைக்கிழங்கு, கேரட்டை தோல் சீவி அதனுடன் பீன்ஸை நன்கு கழுவி தண்ணீர் வடித்து எடுத்துக் கொள்ளவும்

அரைக்கக் கொடுத்துள்ளவற்றை எடுத்து மிக்ஸி ஜாரில் சேர்த்து கால் கப் அளவு தண்ணீர் விட்டு சிறிது கரகரப்பாக அரைக்கவும்

இப்போது இதனுடன் பச்சை மிளகாய் சேர்த்து நன்கு நைசாக அரைத்தெடுக்கவும். கேரட், பீன்ஸ், உருளை கிழங்கை ஒரே அளவாக பொடியாக நறுக்கி எடுத்துக் கொள்ளவும்

கடாயில் 3டேபிள்ஸ்பூன் எண்ணெய் விட்டு காய்ந்ததும் முதலில் சீரகத்தை சேர்த்து பொரித்து, பிரிஞ்சி இலை சேர்த்து வறுக்கவும்

பிறகு நீளவாக்கில் நறுக்கிய பெரிய வெங்காயத்தை சேர்த்து அடுப்பை குறைத்து வைத்து வதக்கி பிறகு, இஞ்சி பூண்டு விழுது சேர்த்து 1\2நிமிடம் வதக்கவும்

பிறகு நறுக்கிய காய்களை சேர்த்து அரை நிமிடம் வரை வதக்கி விட்டு தேவையான அளவு உப்பு சேர்த்து கால் கப் அளவு தண்ணீர் விட்டு அதிக தணலில் தட்டு கொண்டு மூடி 5 நிமிடங்கள் காய்களை வேக விடவும்

காய்கள் வெந்த பிறகு அரைத்த தேங்காய் விழுதை சேர்த்து நன்கு கலந்து விடவும்

மேலும் ஒரு கப் அளவு தண்ணீர் ஊற்றி ஒரு சேர கலந்து விட்டு மீண்டும் தட்டு கொண்டு மூடி வைக்கவும்

குருமா கொதி வந்ததும் 5 நிமிடங்கள் தட்டு கொண்டு மூடி வைக்கவும். பிறகு மூடியை திறந்து கறிவேப்பிலையைத் தூவி விடவும்

இறுதியாக பொடியாக நறுக்கிய ஒரு கைப்பிடி அளவு கொத்தமல்லி தழையை சேர்த்து, அரை பழம் எலுமிச்சையை விதை நீக்கி பிழிந்து விட்டு அடுப்பை அணைக்கவும். சுவையான, சத்தான சரவணபவன் ஹோட்டல் ஸ்டைல் வெள்ளை குருமா தயார்