திருநெல்வேலி சொதி

ஒரு கடாயில் 1 டேபிள்ஸ்பூன் நெய், 1\2 டேபிள்ஸ்பூன் எண்ணெய் விட்டு பட்டை, பூ, கறிவேப்பிலை, நீளவாக்கில் நறுக்கிய வெங்காயம் சேர்த்து நன்கு வதக்கி விடவும்

பிறகு கீறிய பச்சை மிளகாய், தக்காளியையும் சேர்த்து நன்கு வதக்கி, இஞ்சி பூண்டு விழுது சேர்த்து வதக்கவும்

அனைத்தும் ஒருசேர வதக்கியதும், துண்டுகளாக நறுக்கிய உருளைக்கிழங்கையும் சேர்த்து 1\2நிமிடம் வரை நன்கு கிளறி விடவும்

இப்போது தேங்காய் துருவலை சிறிது தண்ணீர் சேர்த்து மிக்ஸியில் நன்கு நைசாக அரைத்தெடுத்து, அதனையும் சேர்த்து 1கப் தண்ணீர் சேர்க்கவும்

தேவையான அளவு உப்பு சேர்த்து ஒரு கொதி வர விடவும்

கொதி வந்த பிறகு மிதமான தீயில் 2 நிமிடங்கள் வைத்திருந்து பிறகு அடுப்பை அணைத்து இறுதியாக எலுமிச்சம்பழத்தை விதை நீக்கி பிழிந்து விட்டு இறக்கவும்