பெரிய நெல்லிக்காய் துவையல்

முதலில் ஒரு கடாயில் 2 டேபிள்ஸ்பூன் நல்லெண்ணெய் சேர்த்து எண்ணெய் சூடானவுடன் அதில் 3 டேபிள் ஸ்பூன் உளுந்து சேர்த்து பொரிய விட வேண்டும்

பிறகு 3 வரமிளகாய் மற்றும் தோல் உரித்த ஒரு துண்டு இஞ்சியை சேர்த்து அதனுடன் தோல் உரிந்த 10 சின்ன வெங்காயம் சேர்க்க வேண்டும்

பிறகு ஒரு கையளவு கருவேப்பிலை சேர்த்து எல்லாம் நன்றாக வதங்கும் வரை வதக்க வேண்டும்

இப்பொழுது இரண்டு பெரிய நெல்லிக்காய்களை துண்டுகளாக வெட்டி அதனையும் சேர்த்து 5 நிமிடம் நன்றாக வதக்க வேண்டும் அதனுடன் தேவையான அளவு உப்பு சேர்த்துக்கொள்ளலாம்

நெல்லிக்காயும் நன்றாக வதங்கியவுடன் நாம் அதில் கால் மூடி அளவிற்கு தேங்காயைத் துருவியோ அல்லது கீரியோ சேர்த்துக்கொண்டு ஒரு 2 நிமிடம் நன்றாக வதக்கலாம் பிறகு அடுப்பை அணைத்து விடலாம்

வதக்கிய கலவையை ஒரு மிக்ஸி ஜாரில் மாற்றி தேவையான அளவு தண்ணீர் சேர்த்து அரைத்துக் கொள்ளலாம்