ஊற வைத்த (நனைச்ச)அவல்

அவலை நன்றாக கழுவி பின்பு ஊற வைக்க வேண்டும்.

சிவப்பு 'திக்' அவலாக இருந்தால் 40 நிமிடங்கள் ஊற வைக்க வேண்டும்.

அப்பொழுதுதான் சாப்பிடும்பொழுது, மெல்வதற்கு சுலபமாக இருக்கும்

40 நிமிடங்கள் கழித்து சிறிது சுவைத்து பார்த்தால் கூட தெரியும் இன்னும் ஊற வேண்டுமா? போதுமா என்று.

ஊறிய அவலை வடிகட்டி குறைந்தது 15 நிமிடங்கள் வைக்கவும்.தண்ணீர் வடிந்து அவல் உதிரியாக பூ போல் இருக்கும்.

'தாள்' அவலாக இருந்தால் 8-10 நிமிடங்கள் போதும்.அதற்கு மேல் வைத்தால் ரொம்ப ஊறி மாவாகி விடும்.சாப்பிட முடியாது.

ஊறிய அவலை வடிகட்டி 10 நிமிடங்கள் அப்படியே வைக்கவும்.பின்னர் பார்த்தால் நன்றாக தண்ணீர் வடிந்து, அவல் உதிரி உதிரியாக பூ மாதிரி இருக்கும்.

இந்த சிற்றுண்டிக்கு, 'தாள்' அவலை விட 'திக்' அவல் தான் மிகவும் ருசியாக இருக்கும்.

வீட்டில் பெரியவர்கள் இருந்தால் 'தாள்' அவல் செய்யலாம். சீக்கிரம் ஊறி விடுவதால் மென்று சாப்பிடுவதற்கு சுலபமாக இருக்கும்.