இத்தாலியன் எக்கி மஷ்ரூம் நூடுல்ஸ்

ஒரு கிண்ணத்தில் முட்டைகளை சேர்த்து உப்பு மற்றும் மிளகுத் தூள் சேர்த்து நன்கு கலந்து விடவும். அடுப்பில் பாத்திரத்தை வைத்து சூடானதும் ஒரு மேஜைக்கரண்டி வெண்ணெய் அரை மேஜைக்கரண்டி எண்ணெய் சேர்த்து சூடானதும் முட்டை கலவையை பரவலாக ஊற்றி லேசாக வெந்தவுடன் திருப்பி போட்டு வேகவிட்டு துண்டுகளாக வெட்டி ஒரு தட்டில் மாற்றி வைக்கவும்.

அதே பாத்திரத்தில் ஒரு மேஜைக் கரண்டி வெண்ணை மற்றும் அரை மேஜைக்கரண்டி எண்ணெய் சேர்த்து சூடானதும் அரைத்த பச்சை மிளகாய் விழுது சேர்த்து பச்சை வாசனை போகும் வரை வதக்கவும். பிறகு காளானை சேர்த்து, அதில் விடும் தண்ணீர் வற்றும் வரை வதக்கி கொள்ளவும். பிறகு கேரட் மற்றும் பீன்ஸை சேர்த்து ஒரு நிமிடம் வதக்கவும்.

இறுதியில் நறுக்கி வைத்துள்ள முட்டை கோசை சேர்த்து வதக்கவும். இதில் சில்லி ஃப்ளேக்ஸ், ஒரிகநோ, மிக்ஸ்டு ஹெர்ப்ஸ் சேர்க்கவும். கூடவே நூடுல்ஸ் மசாலா மூன்று பாக்கெட்டுகளை சேர்க்கவும். ஒரு நிமிடம் கலந்து விட்டு வதக்கவும்.

ஒரு பாத்திரத்தில் நூடுல்ஸ் வேக தேவையான அளவு தண்ணீர் சேர்த்து கூடிவரும் நேரத்தில் நூடுல்ஸ்களை கிடைத்தால் சேர்த்துக் கொள்ளவும். இதில் ஒரு தேக்கரண்டி எண்ணெய் சேர்த்துக் கொள்ளவும். 3 நிமிடங்களில் நூடுல்ஸ் வெந்துவிடும் இதனை வடித்து குளிர் நீரில் அலசி வைக்கவும்.

இப்போது வெந்த காய்கறிகளுடன் வடித்த நூடுல்ஸை சேர்த்து கலந்து இறுதியில் பொரித்த முட்டையை சேர்த்து பிரட்டி பரிமாறினால் சுவையான நூடுல்ஸ் தயார். சாஸ் வைத்து சாப்பிட பொருத்தமாக இருக்கும்.

குறிப்பு: 1.காளான் சேர்த்தபின் அடுப்பை அதிகமான தீயில் வைத்து சமைக்கவும்.
2. காய்கறிகளை 50% வேகவிடவும்.
3. உங்களுக்கு விருப்பப்பட்ட நூடுல்ஸ் வகை உபயோகிக்கலாம்.
மேகி, இப்பி, இன்டோமீ.
4. கண்டிப்பாக முட்டையை இறுதியில் சேர்த்துக் கலந்து பரிமாறவும்.