தேவையான பொருட்கள் எடுத்துக் கொள்ளவும். காளானை நறுக்கி வைத்துக் கொள்ளவும்.

அடுப்பில் ஒரு கடாயை வைத்து அதில் 3 டம்ளர் தண்ணீர் ஊற்றி தண்ணீர் கொதி வந்தவுடன் நறுக்கிய காளான் துண்டுகளை அதில் போட்டு 5 நிமிடம் வேக வைத்து எடுத்து வைத்துக் கொள்ளவும்.

அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் பட்டை, சோம்பு போட்டு தாளிக்கவும். பிறகு சின்ன வெங்காயத்தை போட்டு ஒரு நிமிடம் வதக்கவும்.

பிறகு பொடியாக நறுக்கிய இஞ்சி,பூண்டு பல், பச்சைமிளகாய் போட்டு ஒரு நிமிடம் வதக்கவும். பிறகு பொட்டுக்கடலையை அதில் போட்டு ஒரு நிமிடம் வதக்கவும்.

பிறகு தேங்காய் துருவலை அதில் போட்டு ஒரு நிமிடம் வதக்கவும் பிறகு வதக்கியதை ஆற வைக்கவும்.

ஆறிய பிறகு ஒரு மிக்ஸி ஜாரில் போட்டு கொரகொரப்பாக அரைக்கவும். பிறகு வேக வைத்திருக்கும் காளான் துண்டுகளையும் இதனுடன் சேர்த்து அரைக்கவும்.

பிறகு ஒரு பாத்திரத்தில் பெரிய வெங்காயத்தை பொடி பொடியாக நறுக்கி எடுத்துக் கொள்ளவும், பிறகு அவற்றுடன் அரைத்து வைத்த காளான் விழுதை அதில் போடவும். பிறகு 1/4 ஸ்பூன் மஞ்சள்தூள், 1 ஸ்பூன் மிளகாய் தூள், தேவையான அளவு உப்பு போட்டு நன்கு பிசையவும்.

பிறகு பிசைந்த மாவை சிறு சிறு உருண்டைகளாக உருட்டி வைத்துக் கொள்ளவும்.

அடுப்பில் ஒரு கடாயை வைத்து பொரிக்க தேவையான அளவு எண்ணெய் ஊற்றி எண்ணெய் சூடானதும் உருட்டி வைத்த உருண்டைகளை வடைகளாக தட்டிப் போட்டு பொரித்தெடுக்கவும். சுவையான காளான் வடை தயார்.