மாங்காய் ஊறுகாய்

மாங்காயை இந்த பதத்தில் இருக்குமாறு பார்த்துக் வாங்கி கழுவி தண்ணீரை துடைத்து ஒரு மணி நேரம் வரை வெயிலில் உலர்த்தி பின் சிறிய துண்டுகளாக நறுக்கி கொள்ளவும்

பின் கல் உப்பை வெறும் வாணலியில் வறுத்து அம்மியில் வைத்து பொடித்து கொள்ளவும் அதை நறுக்கிய மாங்காயுடன் சேர்த்து நன்கு குலுக்கி இரண்டு நாட்கள் வரை ஊறவிடவும் தினமும் ஒரு நான்கு மணி நேரம் வரை வெயிலில் வைக்கவும் மேல்பாகத்தை ஒரு மஸ்லின் துணியால் கட்டி பின் வெயிலில் வைக்கவும்

பின் வெறும் வாணலியில் வெந்தயத்தை இளஞ் சிவப்பாக வறுத்து எடுக்கவும் பின் அதே வெறும் வாணலியில் கடுகை சேர்த்து படபடவென பொரியும் வரை விட்டு பின் வெந்தயத்துடன் சேர்த்து அம்மியில் வைத்து பொடி செய்து கொள்ளவும்

வாணலியில் எண்ணெய் விட்டு சூடானதும் இந்த ஊறவைத்த மாங்காயை சேர்த்து ஐந்து நிமிடம் வரை வேகவிடவும் நன்றாக வதக்கவும் பின் மிளகாய்த்தூள் சேர்த்து நன்கு கிளறவும் மீண்டும் ஒரு ஐந்து நிமிடம் வரை வதக்கவும் (மூடி வைக்க கூடாது நீராவியில் தண்ணீர் வந்து ஊறுகாய் கெட்டு விடும்)பின் அடுப்பை அணைத்து விட்டு அந்த சூட்டிலே வெந்தய கடுகு பொடி சேர்த்து பெருங்காயத்தூள் சேர்த்து நன்கு கிளறவும் சூடு ஆறும் வரை நன்றாக கிளறி விடவும் நன்றாக ஆறியதும் (இரண்டு மூன்று மணி நேரம் வரை ஆறவிடவும்) மூடி வைக்கவும்

கிளறி இறக்கும் போது எண்ணெய் இல்லாதது போல தெரியும் மறுநாள் இந்த மாதிரி எண்ணெய் பிரிந்து வரும்

மீண்டும் இதை ஒரு முறை நன்றாக கிளறி (கழுவி சுத்தம் செய்து கண்ணாடி பாட்டிலை வெயிலில் சிறிது நேரம் வைத்து எடுக்கவும்) சுத்தமான கண்ணாடி பாட்டிலில் நிரப்பவும் பாட்டிலில் போடும் போது எண்ணெய் மேலே இருக்குமாறு பார்த்துக் கொள்ளுங்கள்

சுவையான ஆரோக்கியமான மாங்காய் ஊறுகாய் ரெடி