வல்லாரைக் கீரை சாதம்

இரண்டு கைப்பிடி வல்லாரைக் கீரையை ஆய்ந்து மூன்று முறை கழுவி சுத்தம் செய்து தண்ணீர் வடித்து எடுத்து வைத்துக் கொள்ளவும். 2 பச்சை மிளகாய் 4 பூண்டு பல் கால் ஸ்பூன் சீரகம் கால் ஸ்பூன் வரக்கொத்தமல்லி எடுத்து வைத்துக் கொள்ளவும். பொடியாக நறுக்கிய 15 சிறிய வெங்காயத்தை எடுத்துக் கொள்ளவும்.

தாளிக்க ஒரு ஸ்பூன் எண்ணெய்,மற்றும் ரெண்டு ஸ்பூன் நெய்,வறுத்த நிலக்கடலையை தோல்நீக்கியது 2 டேபிள் ஸ்பூன் எடுத்துக் கொள்ளவும். பாசி பருப்பு வேக வைத்தது கால் கப் அல்லது இரண்டு டேபிள் ஸ்பூன் எடுத்துக் கொள்ளவும்.

ஒரு வாணலியில் ஒரு ஸ்பூன் ஆயில் விட்டு காய்ந்தவுடன் அதில் சீரகம் வரக்கொத்தமல்லி சேர்த்து பொரியவிடவும். பிறகு பச்சை மிளகாய் ஒன்று,4 பல் பூண்டு சேர்த்து வதக்கவும்.லேசாக வதங்கிய பின்பு தண்ணீர் வடித்த கீரையை சேர்த்து நன்கு பச்சை வாசம் போகும் வரை வதக்கிக் கொள்ளவும். இதை ஆற வைத்து மிக்ஸியில் விழுதாக மிகவும் நைசாக அரைத்துக் கொள்ளவும். விழுதை வேறு கப்பில் மாற்றிவிட்டு மிக்ஸி ஜாரை கொஞ்சமாக தண்ணீர் விட்டு கழுவி அந்த தண்ணீரை எடுத்து வைத்துக் கொள்ளவும்.

இப்போது இன்னொரு வாணலியில் 2 ஸ்பூன் நெய் சேர்த்து அதில் கடுகு சேர்க்கவும். கடுகு பொரிந்தவுடன் நிலக்கடலை சேர்த்து வறுக்கவும். லேசாக நிலக்கடலை சிவந்தவுடன் மீதி ஒரு பச்சை மிளகாயை சேர்க்கவும்.பிறகு பொடியாக நறுக்கிய சிறிய வெங்காயத்தை சேர்த்து நன்கு சிவக்க வறுக்கவும். தீய விட வேண்டாம். மிதமான தீயில் செய்யவும்.

வெங்காயம் நன்கு வதங்கிய பிறகு அரைத்த கீரை விழுதை சேர்த்து பச்சை வாசம் போகும் வரை மீண்டும் நன்கு கலந்து விட்டு கொள்ளவும். மிக்ஸி கழுவிய தண்ணீரை கால் கப் அளவிற்கு சேர்த்துக் கொள்ளவும். இவற்றுடன் வேகவைத்த பாசிப்பருப்பை 2 டேபிள்ஸ்பூன் சேர்த்துக் கொள்ளவும். நன்கு கலந்து விட்டு கொள்ளவும்.

இப்போது ஏற்கனவே வடித்து வைத்துள்ள சாதத்தை இரண்டு கப் அளவிற்கு எடுத்து இந்த கலவையில் சேர்த்து நன்கு கலந்து விடவும். மூடி வைத்து சாதம் நன்கு சூடு ஏறும் வரை 2 அல்லது 3 நிமிடம் வரை வைத்திருக்கவும். உப்பு சரி பார்த்து கொள்ளவும். நெய் தேவையென்றால் சேர்த்துக் கொள்ளவும். சுவையான வல்லாரைக் கீரை சாதம் தயார். கீரை வேண்டாம் என்று சாப்பிட மறுக்கும் குழந்தைகள் கூட விரும்பி சாப்பிடுவார்கள். நெய் வாசத்துடன் மிகவும் சுவையாக இருக்கும். கூட வடகம் சிப்ஸ் அப்பளம் போன்றவை வைத்துக் கொடுக்கவும்.