முதலில் ஒரு கட்டு பாலக் கீரையை கழுவி சுத்தம் செய்து பொடியாக அரிந்து கொள்ளவும். அரை கப் பாசிப்பயிறு தண்ணீரில் கழுவி தனியாக ஒரு பாத்திரத்தில் வேக வைத்துக் கொள்ளவும். குழைய வேக விட வேண்டாம்.

ஒரு வாணலியில் ஒரு ஸ்பூன் எண்ணெய் சேர்த்து காய்ந்தவுடன் அரை ஸ்பூன் கடுகு, அரை ஸ்பூன் உளுத்தம் பருப்பு, மற்றும் கிள்ளிய மூன்று வரமிளகாய் சேர்த்து சிவந்தவுடன் பொடியாக அரிந்த 3 பல் பூண்டு மற்றும் பொடியாக அரிந்த ஒரு பெரிய வெங்காயத்தை சேர்த்து வதக்கவும்.

இப்போது பொடியாக அரிந்த கீரையை சேர்த்து 2 நிமிடம் வதக்கவும். பிறகு வேக வைத்த பருப்பை அதில் சேர்க்கவும். பருப்பில் உள்ள தண்ணீரே கீரை வேக போதுமானது. தேவை என்றால் கொஞ்சமாக நீர் சேர்த்துக் கொள்ளவும். கீரை முக்கால் பதம் வெந்தவுடன் காய்ந்த அரை டம்ளர் பாலை அதில் சேர்க்கவும். ஒரு 2 நிமிடம் கொதிக்க விடவும். கொஞ்சம் நீர் சுண்டியவுடன் உப்பு சேர்த்து நன்றாக கலக்கி விடவும். கடைசியாக ஒரு ஸ்பூன் தேங்காய் துருவலை அதில் சேர்க்கவும் நன்கு கலந்து விடவும். தேங்காய்த்துருவல் சேர்ப்பது அவரவர் விருப்பம்.

இப்போது சுவையான, உடலுக்கு ஆரோக்கியம் தரக்கூடிய எல்லா சத்துக்களும் நிறைந்த பாலாக்கீரை பால் பருப்பு கூட்டு தயார். சாதத்தில் பிசைந்து சாப்பிட சுவையாக இருக்கும். சப்பாத்திக்கும் தொட்டுக்கொண்டு சாப்பிடலாம்.