வாழை இலை மீன் பொரிச்சது

முதலில் மீனை கழுவி எடுத்துக்கொள்ளவும் ஒரு பாத்திரத்தில் கால் டீஸ்பூன் மஞ்சள்தூள் கால் டீஸ்பூன் மிளகாய்த்தூள்

கால் டீஸ்பூன் மிளகுத்தூள் சேர்த்து தேவையான அளவு உப்பு சேர்த்து பிசைந்து கொள்ளவும்

பிசைந்து வைத்த மசாலாவை மீனில் இருபக்கமும் பிரட்டி எடுத்துக் கொள்ளவும் பிறகு மீனை பத்து நிமிடங்கள் ஊற வைக்கவும் பிறகு ஒரு கடாயில் எண்ணெய் ஊற்றி பொடியாக நறுக்கிய பூண்டு

பொடியாக நறுக்கிய வெங்காயம் கறிவேப்பிலை சேர்த்து தாளிக்கவும் பிறகு கால் டீஸ்பூன் மஞ்சள்தூள் கால் டீஸ்பூன் மிளகாய்த்தூள் சேர்த்து

தேவையான அளவு உப்பு சேர்த்து நன்றாக வதக்கிக் கொள்ளவும் வெங்காயம் வதங்கிய பிறகு தக்காளி சேர்த்து வதக்கவும்

தக்காளி வதங்கிய பிறகு வதக்கிய மசாலாவை ஒரு பாத்திரத்தில் மாற்றி எடுத்துக் கொள்ளவும் பிறகு அதே கடாயில் ஊற வைத்த மீனை சேர்த்து லேசாக எண்ணெய் ஊற்றி பொரித்து எடுக்கவும்

இரு பக்கமும் இரண்டு நிமிடங்கள் வேக வைத்து எடுத்துக் கொள்ளவும் பிறகு ஒரு வாழை இலையில் வதக்கி வைத்த மசாலாவை கொஞ்சம் வைத்து

மசாலா மீது பொரித்து வைத்த மீனை வைத்து மேல் மறுபடியும் மசாலாவை வைத்துக் கொள்ளவும் பிறகு அந்த வாழை இலையை நன்றாக மடித்து படத்தில் காட்டியவாறு கட்டிக்கொள்ளவும்

பிறகு ஒரு கடாயில் மடித்து வைத்த வாழையிலை மீனை வைத்து லேசாக எண்ணெய் ஊற்றி மூடி வைத்து வேக வைக்கவும் பிறகு மறுபடியும் திருப்பி போட்டு 5 நிமிடங்கள் வேக வைத்து எடுக்கவும்

சுவையான வாழை இலை மீன் பொரிச்சது தயார்