வாழைப்பூவில் உள்ள இளம் மடலை எடுத்து நன்றாக கழுவி துண்டுகளாக வெட்டிக் கொள்ளவும். வெட்டிய மடலை ஒரு பாத்திரத்தில் எடுத்து அதில் 1டம்ளர் தண்ணீர் சிறிது மஞ்சள் தூள் மற்றும் உப்பு சேர்த்து 5நிமிடம் வேக வைக்கவும்.

பின்னர் மடலை தண்ணீர் இல்லாமல் வடிக்கட்டி எடுத்து கொள்ளவும். பின்னர் ஒரு வாணலியில் சிறிது எண்ணெய் ஊற்றி சூடானதும் கடலை பருப்பு, உளுந்த பருப்பு, காய்ந்த மிளகாய் சேர்த்து நன்கு சிவக்கும் வரை வதக்கி பின் ஆற விடவும்.

பின்னர் ஒரு மிக்சி ஜாரில் வேக வைத்த வாழைப்பூ மடல், வதக்கிய பருப்பு, மற்றும் தேங்காய் துருவல், சிறிய துண்டு புளி, சிறிது வெல்லம், தேவையான அளவு உப்பு மற்றும் சிறிது தண்ணீர் சேர்த்து நன்கு நைசாகா அரைத்து எடுத்து கொள்ளவும்.