கடலையை 8 அல்லது 10 மணி நேரம் வரை ஊற வைத்து எடுத்து கொள்ளவும். பின்னர் கடலை, உருளைக்கிழங்கு குக்கரில் சேர்த்து போதுமானளவு தண்ணீர், உப்பு சேர்த்து 5 விசில் விட்டு இறக்கவும்.

அடுப்பில் வாணலியில் எண்ணெய், நெய் ஊற்றி காய்ந்ததும் சோம்பு, பிரியாணி இலை, பட்டை, கிராம்பு, ஏலக்காய் சேர்த்து வெங்காயம் சிறிதாக கட் செய்ததை போட்டு வதக்கவும். இஞ்சி பூண்டு விழுது சேர்த்து நன்கு வதக்கவும்.

பிறகு மிளகாய் தூள், கரமசாலா, மல்லி தூள், கிச்சன் கிங் மசாலா தூள்,காஷ்மீர் மிளகாய்த்தூள் உப்பு, மஞ்சள் தூள் சேர்த்து வதக்கி தயிர் சேர்த்து நன்கு எண்ணெய் விட்டு வரும் வரை வதக்கவும்.

தக்காளியை மிக்ஸியில் பேஸ்ட் போல் அரைத்து எடுத்து இதில் ஊற்றி வதக்கவும்.மசாலா நன்கு எண்ணெய் பிரிந்து வரும் வரை வதக்கவும். தேவைப்பட்டால் கடலை வேக வைத்த தண்ணீர் ஊற்றி கலந்து விடவும்.

பிறகு உருளைக்கிழங்கு மசித்து சேர்த்து கடலை சேர்த்து கலந்து விட்டு அந்த தண்ணீரை ஊற்றி உப்பு காரம் சரிபார்த்து கொள்ளவும். இதில் சர்க்கரை சேர்த்து கலந்து விடவும்.

பிறகு மிக்ஸியில் சிறிதளவு வேக வைத்த கடலை முந்திரி பருப்பு தண்ணீர் ஊற்றி நன்கு அரைத்து எடுத்து கிரேவியில் ஊற்றி கொள்ளவும். ‌

கடைசியாக கொத்தமல்லி இலை தூவி இறக்கவும்.சுவையான சென்னா மசாலா தயார். நன்றி