உருளைக்கிழங்கு தோலை சீவி நறுக்கி தண்ணீரில் போடவும். மூன்று பழுத்த தக்காளி பொடியாக நறுக்கவும்.ஒரு கேரட் பொடியாக நறுக்கவும். பெரிய வெங்காயம் நறுக்கவும். பீட்ரூட் 3 துண்டு நறுக்கி வைக்கவும். மிளகு சீரகம் மிக்ஸியில் பொடித்து வைக்கவும்.

ஒரு வாணலியில் ஒரு ஸ்பூன் நெய் விட்டு காய்ந்ததும் நான்கு பல் பூண்டு சேர்த்து வதக்கவும். வெங்காயம் சேர்த்து ஒரு நிமிடம் வதக்கவும் தக்காளி கேரட் பீட்ரூட் உருளைக்கிழங்கு சேர்த்து 2 நிமிடம் வதக்கவும்.

வதக்கிய காய்கறிகளை குக்கரில் சேர்த்து 3 டம்ளர் நீர் விட்டு தேவையான உப்பு சேர்த்து இரண்டு விசில் விடவும். சத்தம் அடங்கியதும், நீரை வடித்து, காய்கறிகளை ஆற வைத்து, மிக்ஸியில் சேர்த்து மைய அரைக்கவும்.அரைத்த விழுதை,வடித்த நீருடன் சேர்க்கவும். தேவைப்பட்டால் மேலும் சிறிதளவு நீர் சேர்த்து லேசாக கொதிக்க விடவும்

ஒரு சிறிய ஸ்பூன் சர்க்கரை தேவையான அளவு உப்பு சேர்த்து கலந்து விடவும். சீரகம் மிளகு பொடித்த தூள் சேர்த்து பரிமாறவும்.

சுவையான உருளைக்கிழங்கு டொமேடோ சூப் தயார்.பொதுவாக சூப் செய்யும் பொழுது கார்ன்ஃப்ளார் மாவு கரைத்து கலந்து விடுவோம்.அதற்கு பதிலாக உருளைக்கிழங்கு சேர்த்து சூப் திக்காக வருவதற்கு செய்யலாம். மிகவும் சுவையாக இருந்தது.நீங்களும் செய்து பாருங்கள்.