பன்னீரை கழுவி துண்டுகளாக நறுக்கி வைக்க வேண்டும். ஒரு கடாயில் எண்ணெய் ஊற்றி நறுக்கிய வெங்காயம் சேர்த்து நன்கு வதக்க வேண்டும்.

வெங்காயம் வதங்கியவுடன் பொடியாக நறுக்கி வைத்த கேரட்களை சேர்க்கவேண்டும். பிறகு அதில் மஞ்சள் தூள், மிளகாய் தூள், கரம் மசாலா தூள், தனியா தூள், உப்பு ஆகியவற்றைச் சேர்த்து, நன்கு வதக்கி, கடைசியாக வேக வைத்த உருளைக்கிழங்கை மசித்து அதனுடன் சேர்த்து நன்கு கிளறிக் கொள்ள வேண்டும்.

அதில் மல்லி இலை தூவி ஆற வைக்க வேண்டும். ஒரு சிறிய பாத்திரத்தில் சோள மாவு, சிறிதளவு உப்பு, மிளகு தூள் ஆகியவற்றை சேர்த்து நன்கு கலந்து அதனுடன் தண்ணீர் சேர்த்து கலந்து வைத்துக்கொள்ள வேண்டும். பிறகு அவலை மிக்சி ஜாரில் போட்டு கொரகொரப்பாக அரைத்து எடுத்துக் கொள்ள வேண்டும்.

இப்பொழுது ஒரு பன்னீர் துண்டின் மீது உருளைக்கிழங்கு மசாலாவை வைத்து அதன் மீது இன்னொரு துண்டு பன்னீர் வைக்கவேண்டும்.

அதனை கலந்து வைத்துள்ள சோள மாவில் முக்கி, பிறகு ஒவ்வொன்றாக அவலில் வைத்து பிரட்டி எடுத்து வைக்க வேண்டும்.

ஒரு தவாவில் எண்ணெய் ஊற்றி சூடானவுடன் ஸ்டஃப் செய்த பன்னீர் துண்டுகளை ஒவ்வொன்றாக அடுக்கி, திருப்பி போட்டு வேக வைத்து எடுக்க வேண்டும். இப்பொழுது ஸ்டஃப்டு பன்னீர் சப்வே தயார்.🤤🤤😋😋