விநாயக சதுர்த்தி ஸ்பெஷல் பருப்பு மணிக் கொழுக்கட்டை(Paruppu mani kolukattai)

கடாயில் தேவையான அளவு தண்ணீர்,உப்பு,1ஸ்பூன்,ந.எண்ணெய் விட்டு நன்கு கொதித்ததும் அடுப்பை சிறியதில் வைத்து மாவை போட்டு கட்டியில்லாமல் கெட்டியாக கிளறவும்.

பருப்புகளை சூடான தண்ணீரில்,மிளகாயையும் போட்டு 20நிமிடம் ஊற வைக்கவும்.

பிறகு தண்ணீரை நன்கு வடித்து விட்டு உப்பு சேர்த்து கொரகொரப்பாக அரைத்துக் கொள்ளவும்.கடாயில் ந.எண்ணெய் காய்ந்ததும் அரைத்த பருப்பு கலவையை போட்டு நன்கு வதக்கவும்.

வேக வைத்த அரிசி மாவை கைகளில் சிறிது எண்ணெயை தடவிக் கொண்டு சிறுசிறு உருண்டைகளாக உருட்டிக் கொள்ளவும்.இட்லி தட்டில் எண்ணெயை தடவி உருண்டைகளை வைத்து 5நிமிடம் வேக வைத்து எடுக்கவும்.

வெந்த உருண்டைகளை தட்டில் போட்டு ஆறவிடவும்.கடாயில் ந.எண்ணெய் காய்ந்ததும், கடுகு,உ.பருப்பு,க.பருப்பு போட்டு சிவக்க வறுக்கவும்.

பிறகு வதக்கிய பருப்பு கலவையை போட்டு கிளறவும்.ஒன்று சேர கிளறினதும், வெந்த உருண்டைகள்,பெருங்காயத்தூளை போடவும்.நன்கு கிளறினதும் கறிவேப்பிலையை போடவும்.

பின் நன்கு கலந்து 5நிமிடம் வெந்ததும் அடுப்பை அணைத்து விடவும்.இப்போது சுவையான,* பருப்பு மணிக் கொழுக்கட்டை* தயார்.செய்து,*விநாயகருக்கு *படைத்து, அவரது ஆசியை பெறவும்.