தேவையான பொருட்களை எடுத்து வைத்துக் கொள்ளவும். காய்கறிகளை சுத்தம் செய்து சற்று பெரியதாக துண்டுகளாக நறுக்கவும். தேங்காயை துருவி,துண்டுகளாக்கிக் கொள்ளவும்.

அடுப்பை சிறு தீயில் வைத்து, வெறும் கடாயில், அரிசி, எள்ளை கருகாமல் நன்கு வறுத்து தட்டில் ஆற விடவும்.

கடாயில், 1 ஸ்பூன் எண்ணெய் விட்டு காய்ந்ததும், வெந்தயம், க.பருப்பு, உ.பருப்பு, மிளகாய், தேங்காய் துண்டுகள், கறிவேப்பிலையை கருகாமல், சிவக்க வறுத்து தட்டில் போட்டு, அனைத்தையும் சேர்த்து, ஆறவிடவும்.

அடுப்பை மிதமான தீயில் வைத்து, கடாயில், நறுக்கின காய்கறிகள், பட்டாணி, ம.தூள், உப்பு, தண்ணீர் சேர்த்து, குழையாமல், வேகவிட்டதும், புளிக்கரைசலை ஊற்றி கொதிக்க விடவும்.

வறுத்து ஆற விட்டதை மிக்ஸியில் போட்டு தண்ணீர் விட்டு மைய அரைக்கவும்.

அடுப்பை சிறு தீயில் வைத்து கடாயில், தே.எண்ணெய் விட்டு காய்ந்ததும், கடுகு, போட்டு வெடித்ததும், துருவிய தேங்காய், கறிவேப்பிலை, பெருங்காயத்தூள், சேர்த்து, தாளிக்கவும்.

குறிப்பு:- இது திருநெல்வேலி ஸ்பெஷல் ஆகும். இந்த குழம்பில் துவரம் பருப்பு வேக விட்டு சேர்க்கவில்லை. மேலும், கறுப்பு எள் வறுத்தும், தே.எண்ணெய் சேர்த்தும், செய்ததால் கூடுதல் சுவை. கண்டிப்பாக செய்து பார்க்கவும்.