சீரக சம்பா அரிசியை கழுவி பத்து நிமிடங்கள் ஊற வைத்து வைத்துக் கொள்ளவும்.

பட்டாணி,மசாலா பொருட்களை எடுத்து தயாராக வைக்கவும்.

ஒரு நான்ஸ்டிக் பாத்திரத்தை எடுத்து ஸ்டவ்வில் வைத்து நெயினை ஊற்றி காய்ந்ததும்,மசாலா பொருட்களை சேர்த்து வதக்கவும்.

பின்னர் வெங்காயம், தக்காளி,இஞ்சி பூண்டு விழுது,மாலி,புதினா இலை சேர்த்து நன்கு வதக்கவும்.

பின் நறுக்கி வைத்துள்ள, பீட்ரூட்டை,பட்டாணி சேர்த்து வதக்கி,பிரியாணி மசாலா தூள், தனியாத்தூள் சேர்த்து நன்கு வதக்கவும்.

பச்சை வாசம் போகும் வரை வதக்கி,ஊற வைத்து வைத்துள்ள அரிசியை சேர்த்து வதக்கவும். தேவையான உப்பு சேர்க்கவும்.மூடி வைத்து மிதமான சூட்டில் பத்து நிமிடங்கள் வேக வைக்கவும். பின்னர் எடுத்து கலந்தால் பீட்ரூட் பிரியாணி தயார்.

இந்த பீட்ரூட் பிரியாணி செய்வது மிகவும் சுலபம். கண் பார்வைக்கு மிகவும் அருமையாகவும்,சுவை மிகவும் அபாரமாகவும் இருக்கும்.

குழந்தைகளுக்கு மிகவும் பிடிக்கும் இந்த பிரியாணியை அனைவரும் செய்து சுவைக்கவும்.