பதப்படுத்திய பச்சரிசி மாவை ஒரு பாத்திரத்தில் எடுத்துக் கொள்ளவும்.

மாவில் கொதிக்கும் தண்ணீரை விட்டு தோசை மாவு பதத்திற்கு கரைத்துக் கொள்ளவும்.பாத்திரத்தில் தண்ணீர் விட்டு ஒரு ஸ்டாண்டை போட்டு கொதிக்கவிடவும்.தட்டில் நெய் தடவவும்.

பிறகு கரைத்த மாவை மெல்லியதாக ஊற்றி 5நிமிடம் மூடி போட்டு வேகவிடவும்.வெந்ததை தட்டில் எடுத்துக் கொள்ளவும்.இதுதான்,*அடை*.

வெல்லத்தை ஒரு பாத்திரத்தில் போட்டு,அதனுடன் உப்பு, ஏலக்காய் போட்டு கொதிக்கும் தண்ணீரை விட்டு கரையவிடவும்.

வெல்லக் கரைசலை நன்கு வடிகட்டிக் கொள்ளவும்.சிறிய கடாயில் நெய்விடவும். காய்ந்ததும்,முந்திரி,திராட்சையை சிவக்க வறுத்துக் கொள்ளவும்.

குக்கரில் பாலை ஊற்றி அடுப்பை சிறியதில் வைத்து கொதிக்கவிடவும்.மீதமுள்ள கரைத்த மாவை தட்டில் ஊற்றி வேக வைக்கவும். எல்லா அடைகளையும் தட்டில் எடுத்துக் கொள்ளவும்.

எல்லா அடைகளையும் குளிர்ந்த தண்ணீரில் 5நிமிடம் போடவும்.பிறகுதண்ணீரை வடித்துக் கொள்ளவும்.

பால் காய்ந்து சிறிது குறுகியதும் அடைகளை போடவும்.இரண்டையும் சேர்த்து வேகவிடவும்.வெந்ததும் வெல்லக் கரைசலை ஊற்றி கிளறி கொதிக்க விடவும்.

ஒன்று சேர கொதித்ததும் வறுத்த முந்திரி, திராட்சையை போடவும்.கொதித்து கெட்டியானதும் அடுப்பை அணைத்து விடவும்.

இப்போது எனது,*100*வது ரெசிபி,*அடை பிரதமன்*தயார்.அடையை கடையில் வாங்காமல் வீட்டிலேயே சுலபமாக செய்யலாம்.ரெசிபியை செய்து பார்த்து அசத்தவும்.