மேற்கூறிய அளவுகளில் அனைத்து பொருட்களையும் எடுத்து வைத்துக் கொள்ளவும். அரிசி பருப்பு சீரகம் மிளகு அனைத்தையும் மிக்ஸியில் பெரும் ப உடைப்பாக உடைத்துக் கொள்ளவும், படத்தில் காட்டியுள்ளபடி.

ஒரு ஸ்பூன் இஞ்சி பொடியாக நறுக்கிக் கொள்ளவும் கால் ஸ்பூன் பெருங்காயத்தூள் எடுத்து வைத்துக் கொள்ளவும் துருவிய தேங்காய் எடுத்து வைத்துக் கொள்ளவும் பச்சைமிளகாயை இரண்டாக கீறி வைத்துக் கொள்ளவும். வரமிளகாய் 2 முழுதாக எடுத்துக் கொள்ளவும்.

பிரஷர் பானிள் அல்லது வாணலியில் எண்ணெய் சேர்த்து காய்ந்தவுடன் கடுகு சேர்த்து பொரியவிடவும் பிறகு கடலைப்பருப்பு உளுத்தம்பருப்பு பெருங்காயத்தூள் இஞ்சி கருவேப்பிலை பச்சைமிளகாய் வரமிளகாய் சேர்த்து வதக்கி கொள்ளவும் பிறகு ஒரு கப் அளவிற்கு இரண்டரை கப் அளவு என்ற விகிதத்தில் தண்ணீர் சேர்த்துக் கொள்ளவும். உப்பு தேவையான அளவு சேர்த்துக் கொள்ளவும். இப்போது தண்ணீர் கொதிக்க ஆரம்பித்தவுடன் தேங்காய் துருவலை அதில் சேர்த்துக் கொள்ளவும்.

ரவையாக உடைத்த அரிசியை தண்ணீர் நன்கு கொதித்தவுடன் (சிம்மில் அடுப்பை வைத்து) கட்டி இல்லாமல் கொட்டி நிதானமாக கிளறிவிடவும். இப்போது தேவை என்றால் மேலும் இரண்டு ஸ்பூன் எண்ணெய் சேர்த்துக்கொள்ளலாம். பிறகு குக்கர் மூடி கொண்டு வெயிட் சேர்த்து சிம்மில் வைத்து 20 நிமிடம் வரை வேக விடவும். பிறகு அடுப்பை நிறுத்தி விடவும். ஆவி அடங்கியவுடன் குக்கர் மூடியைத் திறந்து கரண்டி கொண்டு நன்கு கிளறி விடவும். சுவையான விரதத்திற்கு ஏற்ற அரிசி உப்புமா ஜீரணமாகும் வகையில் இஞ்சி மிளகு சீரகம் சேர்த்து தயார்.

இதற்கு புளிக்காய்ச்சல், சர்க்கரை, வெல்லம், வைட் சட்னி, தயிர், பச்சை புளி போன்றவை தொட்டுக்கொண்டு சாப்பிட சுவையாக இருக்கும்.