ஒரு குக்கரை அடுப்பில் வைத்து சூடானதும் எண்ணெய் சேர்த்து இதில் பட்டை கிராம்பு ஏலக்காய் பிரியாணி இலை சேர்த்து தாளிக்கவும். வெங்காயத்தை நீளவாக்கில் வெட்டி இதோடு சேர்த்து பொன்னிறமாக வதக்கவும்.

இஞ்சி பூண்டை விழுதாக அரைத்து இதில் சேர்த்து பச்சை வாசனை போகும் வரை வதக்கவும். மல்லி புதினா இலைகளை பாதி அளவு பொடியாக வெட்டி சேர்த்து வதக்கவும். தக்காளியை நீளவாக்கில் வெட்டி சேர்க்கவும்.

மிளகாய்த்தூள் மல்லித்தூள் கரம் மசாலாத்தூள் மட்டன் தயிர் கொஞ்சம் உப்பு சேர்த்து 10 நிமிடம் வதக்கவும்.

பிரியாணிக்கு தேவையான அளவு தண்ணீர் சேர்த்து கொதி வந்தவுடன் அரைமணி நேரம் ஊறவைத்த பாஸ்மதி அரிசியை தண்ணீர் வடித்து இதில் சேர்த்து எலுமிச்சை சாறு சேர்த்து நெய் மற்றும் மீதமுள்ள மல்லி புதினா இலைகளை சேர்த்து தேவையான அளவு உப்பை சரிபார்த்து குக்கரை மூடி விசில் வந்தபின் சிறு தீயில் 7 நிமிடம் வேக வைத்து அடுப்பை அணைக்கவும்.