காலிபிளவரை சிறு சிறு பூக்களாக அரிந்து கொள்ளவும். வெங்காயம் மற்றும் தக்காளியை ஒன்றிரண்டாக அரிந்து கொள்ளவும். தேங்காய் துருவல் எடுத்துக் கொள்ளவும். பச்சைமிளகாயை பொடியாக அரிந்து கொள்ளவும். அரைக்க தேவையான அனைத்து பொருட்களும் தயார் செய்து கொள்ளவும்.காலிஃப்ளவரை உப்பு தண்ணீர் சேர்த்து அல்லது சுடு தண்ணீர் சேர்த்து நன்கு கழுவி சுத்தம் செய்து கொள்ளவும்.

ஒரு டேபிள்ஸ்பூன் எண்ணெயை வாணலியில் ஊற்றி அதில் கடுகு சேர்த்து தாளித்து பிறகு மிளகாய் சேர்த்து வதக்கவும். முதலில் தக்காளி மற்றும் வெங்காயத்தை தனியாக மிக்ஸியில் விழுதாக அரைத்துக்கொள்ளவும். பிறகு மசாலா அ ரைத்துக் கொள்ளத் தேவையான பொருட்கள் அனைத்தையும் மிக்ஸியில் தனியாக சேர்த்து நன்கு விழுதாக அரைத்துக் கொள்ளவும்.

அரைத்த வெங்காய தக்காளி விழுதை தாளித்த பச்சை மிளகாய் எண்ணெயில் சேர்த்து நன்றாக வதக்கவும்.பிறகு கொத்தமல்லி தூள் வரமிளகாய் தூள் உப்பு மஞ்சள் தூள் மற்றும் கரம் மசாலா தூள் சேர்த்து நன்கு வதக்கவும்.பிறகு அதில் காலிஃப்ளவரை சேர்த்து 2 நிமிடம் வதக்கவும் நன்கு கிளறி விட்டு தண்ணீர் ஊற்றவும்.

தேவையான அளவு தண்ணீர் சேர்த்து காலிபிளவர் வெந்தவுடன், தேங்காய் விழுதை சேர்த்து நன்கு கொதிக்கவிடவும். தண்ணீர் குறைவாக சேர்த்து வேக விட்டு கெட்டியாக செய்து கொள்ளவும்.

கடைசியாக கருவேப்பிலை கொத்தமல்லித் தழை தூவி நன்கு கலந்து விடவும். ஒரு தோசைக் கல் அடுப்பில் வைத்து சூடு ஏறியவுடன் தோசை மெலிதாக ஊற்றவும். சுற்றி எண்ணெய் விட்டு வெந்தவுடன் திருப்பி விடவும். உட் புறம் வெந்தவுடன் உள்ளே படத்தில் காட்டியுள்ளபடி காலிபிளவர் மசாலாவை வைக்கவும். இருபுறமும் மூடி வைத்து மேலே நெய் ஊற்றி பரிமாறவும்.