அகல பாத்திரத்தில், மைதா, உப்பு, எண்ணெய் சேர்த்து நன்கு பிசையவும். மாவு கலவையை 1 மணி நேரம் ஊறவைக்கவும். அடுத்தது காலிபிளவரை, உப்பு மஞ்சள்தூள், மிளகாய்த்தூள் சேர்த்து கலந்து இதை எண்ணெயில் பொரித்து எடுத்து வைக்கவும். உருளைகிழங்கை வேகவைத்து தூள் நீக்கி மசித்து கொள்ளவும். இதனுதன் உப்பு, மிளகு, கொத்தமல்லி இலை, துருவிய பூண்டு, இட்டாலியன் சீசனிங் சேர்த்து நன்கு பிசையவும்.

அடுத்து மாவை மெல்லியதாக தேய்த்து, கத்தியால் நடுவே கோடு போட்டு, எடுத்து சுற்றி லேசாக தேய்த்து விட்டு வைக்கவும். இதன் மேல் கால் ஸ்பூன் எண்ணெய் ஊற்றி, இதில் மிளகாய்த்தூள், பொடியாக நறுக்கிய கொத்தமல்லி இலை சேர்க்கவும்.

அடுத்து இதை தவாவில் போட்டு இரு புறமும் சிறிது எண்ணெய் ஊற்றி சுடவும்.

அடுத்தது பரோட்டா மேலே சீஸ் தூவி பிறகு உருளைக்கிழங்கு கலவையை வைத்து பரப்பி விடவும்.

இதன் மேல் பச்சை குடைமிளகாய், பெரிய வெங்காயம், பொரித்த காலிபிளவர் மற்றும் சீஸ் தூவி விடவும். இதன் மேல் சுட்ட பரோட்டாவை வைக்கவும். { காலிபிளவர் பதிலாக வேகவைத்த சிக்கன் சேர்க்கலாம். }

தோசைக்கல் சூடு செய்து பிறகு தீயை குறைத்து வைத்து சீஸ் வெஜ் மசாலா பரோட்டா வைத்து, பேன்'னை மூடவும். சீஸ் உருகும் வரை காத்திருக்கவும்.

சுவையான சீஸ் வெஜ் மசாலா பரோட்டா தயார்.