முதலில் காலிபிளவர் பூவை பொடியாக நறுக்கி சுடு தண்ணீர் சேர்த்து மஞ்சள்தூள், உப்பு சேர்த்து நன்கு கழுவி வைக்கவும். பிறகு உருளைக் கிழங்கை வேக வைத்து எடுத்து வைக்கவும். ஒரு பாத்திரத்தில் உருளைக்கிழங்கு, பொடியாக நறுக்கிய காலிபிளவர் சேர்க்கவும்.

பிறகு இதில் பச்சை குடைமிளகாய், பொடியாக நறுக்கிய பெரிய வெங்காயம், பூண்டு,கொத்தமல்லி இலை,சோள மாவு, கரம் மசாலா,கருப்பு உப்பு தேவையான அளவு, மற்றும் மிளகாய்த்தூள் சேர்த்து நன்கு பிசைந்து கொள்ளவும்.

அடுத்தது செய்த காலிபிளவர் கலவையிலிருந்து சிறிய அளவு எடுத்து இதனுள் ஒரு சிறிய துண்டு சீஸ் வைத்து மூடி நான்கு உருண்டையாக உருட்டவும்.

பிறகு ஒரு சிறிய கிண்ணத்தில் சோள மாவும்,1/2 ஸ்பூன் மிளகாய்த்தூள், உப்பு ஒரு சிட்டிகை, மற்றும் 1/2 ஸ்பூன் இட்டாலியன் சீசனிங் சேர்த்து தண்ணீரும் கலந்து கரைத்து வைத்துக்கொள்ளவும். காலிபிளவர் பால்ஸை சோள மாவு கலவையில் முக்கி, பிறகு பிரட் தூளில் பிரட்டி, வைக்கவும்.

ஃப்ரீசரில் 10 நிமிடங்களுக்கு வைத்து எடுக்கவும். பின்பு ஒரு கடாயில் தேவையான அளவு எண்ணெய் ஊற்றி, குறைந்த தீயில் சூடாக்கவும். எண்ணெய் சூடானதும், ஃப்ரீஸரில் உள்ள காலிபிளவர் பால்ஸை எண்ணெயில் போட்டு மிதமான சூட்டில் பொன்னிறமாகும் வரை பொரித்து எடுக்கவும்.

காலிபிளவர் சீஸ் பால்ஸ் டொமேட்டோ கெட்சப் வைத்து சூடாக பரிமாறவும். குழந்தைகளுக்கு ரொம்ப பிடிக்கும்.
{{காலிபிளவர் சீஸ் பால்ஸ் தயார்.}}