கோதுமை மாவை சலித்து வர மிளகாய் தூள் மஞ்சள் தூள் உப்பு சேர்த்துக்கொள்ளவும் நன்றாக கலந்து கொள்ளவும்.சிறிய வெங்காயம் கறிவேப்பிலை கொத்தமல்லி பச்சைமிளகாய் கரகரப்பாக அரைத்துக் கொள்ளவும்.

இதை கோதுமை மாவில் சேர்த்துக் கொள்ளவும். ஊத்தாப்பம் ஊற்றும் அளவிற்கு தேவையான தண்ணீர் ஊற்றி மாவை நன்கு கரைத்துக் கொள்ளவும். கட்டி இல்லாமல் கரைத்துக் கொள்ளவும். கடைசியாக தேங்காய் துருவலை சேர்த்து நன்கு கலந்து கொள்ளவும்.இரண்டு அல்லது மூன்று மணி நேரம் ஊறவைத்துக் கொள்ளவும் மிகவும் மிருதுவாக இருக்கும் தோசை. வயதானவர்கள் சாப்பிடுவதற்கு சர்க்கரை நோயாளிகள் சாப்பிடுவதற்கு ஏதுவாக இருக்கும்.மேலும் தேங்காய் துருவல் சேர்த்து இருப்பதால் குழந்தைகளும் விரும்பி சாப்பிடுவார்கள்.

இப்போது தோசைக்கல்லை வைத்து கோதுமை மாவை எடுத்து பரவலாக மொத்தமாக ஊற்றிக் கொள்ளவும். சுற்றி தேவையான எண்ணெய் விடவும்.நிதான தீயில் சிவக்க விட்டு திருப்பிப் போட்டு இருபுறமும் மொறுமொறுவென்று ஆகும் வரை நன்கு வேகவைத்துக் கொள்ளவும்

தேவை என்றால் நெய் கடைசியாக செய்து சேர்த்துக் கொள்ளலாம். சுவையான காரமான மசாலா கோதுமை ஊத்தாப்பம் தயார். தொட்டுக்கொள்ள தேங்காய் சட்னி சுவையாக இருக்கும்.