சலித்த கோதுமை மாவை 6 கப் அளவிற்கு எடுத்துக் கொள்ளவும் இது 12லிருந்து 14 ரொட்டி வரை வரும். சலித்த மாவில் 2 ஸ்பூன் அல்லது தங்களுக்கு தேவையான அளவு வர மிளகாய் தூள் சேர்த்துக் கொள்ளவும். மிகவும் பொடியாக அரிந்த சிறிய வெங்காயம் கருவேப்பிலை கொத்தமல்லி தழை தூள் உப்பு அனைத்தையும் சேர்த்துக் கொள்ளவும். முதலில் இவை அனைத்தையும் தண்ணீர் சேர்க்காமல் கைகளால் நன்கு கலந்து விட்டு கொள்ளவும். பிறகு ரொட்டி தட்டும் பதத்திற்கு கொஞ்சமாக தண்ணீர் சேர்த்து கொள்ளவும். வெங்காயம் சேர்த்திருப்பதால் அதுவே தண்ணீர் விடும்.

மேலே படத்தில் காட்டியுள்ளபடி மாவை கெட்டியாக பிசைந்து கொள்ளவும்.இரவு ரொட்டி செய்வது என்றால் காலை 10 மணி அளவிற்கு மாவை மேற்கூறியபடி தயார் செய்து கொள்ளவும். தயார் செய்த மாவை புளிக்காமல் இருக்க குளிர்சாதன பெட்டியில் வைத்து விடவும். சுடுவதற்கு அரை மணி நேரம் முன்பு வெளியில் எடுத்து வைத்தால் போதும். தொட்டி கட்டுவதற்கு தேவையான அளவில் இலையை கட் செய்து கொள்ளவும் பிறகு இலையில் எண்ணெயை நன்கு தடவிக்கொண்டு தேவையான அளவு மாவை உருட்டி கையில் எடுத்து இலையில் வைத்து தட்டவும்.

ரொட்டியை பரவலாக தட்டும் பொழுது நன்கு தாராளமாக எண்ணெய் சேர்த்து தட்டவும் அப்பொழுதுதான் தட்டுவதற்கு வசதியாக இருக்கும். பிறகு காய்ந்த தோசைக்கல்லில் இலையை கவிழ்த்து போடவும். ஒரு நிமிடம் இலை யை விட்டு எடுக்க, இலை ஈஸியாக வரும்.

பிறகு இரண்டு புறமும் திருப்பிப்போட்டு சிவக்க எடுக்கவும் மிதமான தீயில் சிவக்க விடவும். இப்போது மிருதுவான சுவையான ஆரோக்கியமான கோதுமை ரொட்டி தயார். அவரவர் தேவைக்கேற்ப எண்ணெய் சேர்த்துக் கொள்ளவும். இரண்டு புறமும் திருப்பி போடும் போது எண்ணெய் விட்டால் நன்றாக இருக்கும். உங்கள் விருப்பம் இது. தொட்டுக்கொள்ள தேங்காய் சட்னி சாம்பார் நன்றாக இருக்கும்.

இரவு செய்வது என்றால் காலையிலேயே மாவை பிசைந்து ஃப்ரிட்ஜில் வைத்தால் ரொட்டி மிகவும் மிருதுவாக இருக்கும். ஃப்ரிட்ஜில் வைப்பது புளிக்காமல் இருப்பதற்கு.