செட்டிநாடு சைவ மீன் குழம்பு (Chettinad veg fish curry recipe in tamil)

வெங்காயம், பூண்டு எல்லாம் தோல் நீக்கி வைத்துக் கொள்ளவும். கடுகு, வெந்தயம், கறிவேப்பிலை எல்லாம் எடுத்து தயாராக வைக்கவும். மல்லிஇலை, பச்சை மிளகாய்,தக்காளியை நறுக்கி வைக்கவும்.

புளிக்கரைசல் தயார் செய்து வைக்கவும். தேங்காய், வெங்காயம், சோம்பு சேர்த்து விழுதாக அரைத்து வைத்துக்கொள்ளவும்.

ஒரு மண் பாத்திரத்தை (விருப்பப்பட்ட பாத்திரம்) ஸ்டவ்வில் வைத்து எண்ணை ஊற்றி சூடானதும் கடுகு, வெந்தயம் சேர்த்து பொரிந்ததும், வெங்காயம், பூண்டு, கறிவேப்பிலை சேர்த்து வதக்கவும்.

அத்துடன் மிளகாய் தூள், தனியாத்தூள், மஞ்சள் தூள் சேர்த்து வதக்கவும்.

பின்னர் ஆவியில் வேக வைத்த வாழைப்பூவை சேர்த்து கலந்துவிடவும்.

வாழைப்பூவில் மசாலா நன்கு கலந்தவுடன், புளிக் கரைசலை சேர்த்து, உப்பு கலந்து வேக வைக்கவும்.

பின்னர் அரைத்த விழுதை சேர்த்து கலந்துவிடவும்.

வாழைப்பூ குழம்பு நன்கு கொதித்து கெட்டியானதும், உப்பு சரி பார்த்து இறக்கினால் சைவ மீன்குழம்பு தயார்.

இப்போது மிகவும் சுவையான செட்டி நாடு சைவ மீன் குழம்பான வாழைப்பூ குழம்பு சுவைக்கத் தயார்.