ஒரு அகலமான பாத்திரத்தில் மேல் மாவு செய்வதற்கு தேவையான பொருட்களை சேர்த்து சாப்பாத்தி மாவு பதத்திற்கு பிசைந்து எடுத்துக் கொள்ளவும்.

ஒரு குக்கரில் கடலைப் பருப்பை நன்கு கழுவி அதில் தேவையான அளவு தண்ணீர் ஊற்றி 3 விசில் விட்டு வேக வைத்து ஆற வைத்து மிக்ஸியில் நன்கு மைய அரைத்துக் எடுத்துக் கொள்ளவும். ஒரு பாத்திரத்தில் வெல்லம் சேர்த்து அவை மூழ்கும் அளவு தண்ணீர் ஊற்றி மிதமான தீயில் வைத்து நன்கு கரைத்துக்கொள்ளவும்.

அதனை ஒரு வடிகட்டி வைத்து வெல்லத்தை வடிகட்டி கொள்ளவும். ஒரு கடாயை அடுப்பில் வைத்து வெல்லத் தண்ணீர் சேர்த்து நன்கு கொதிக்க விட்டு கைவிடாமல் கிளறிக் கொள்ளவும். இதனுடன் வேக வைத்து மசித்த கடலைப்பருப்பு தேங்காய் துருவல் சேர்த்து நன்கு கிளறவும்.

இதனுடன் ஏலக்காய்த்தூள் சேர்த்து நன்கு கிளறிக் கொண்டே கட்டியான பதத்திற்கு வந்ததும் அடுப்பை அணைத்து விடவும்.இப்போது பூரணம் தயார். மேல் மாவை சிறு சிறு உருண்டைகளாக்கி அதனை வட்டமாக தேய்த்து அதனுள் சிறு உருண்டைகளாக்கி பூரணத்தை வைத்துக் கொள்ளவும்.

அதனை நன்கு மூடி மீண்டும் வட்டமாக தட்டிக் கொள்ளவும்.

ஒரு தோசைக்கல்லை அடுப்பில் வைத்து சூடேற்றி தட்டி வைத்துள்ள மாவை போட்டு இரு புறமும் சிவக்க வேக வைத்து எடுத்தாள் சுவையான பருப்பு போளி தயார். இதனை குழந்தைகளுக்கு பரிமாறும் பொழுது இருபுறமும் நெய் தடவி கொடுத்தால் மிகவும் விரும்பி சாப்பிடுவார்கள்.