கடல்பாசியை சின்ன சின்ன துண்டுகளாக நறுக்கி இரண்டு முறை அலசி 300 மில்லி கொதிக்க வைத்த தண்ணீர் ஊற்றி 1/2 மணி நேரம் வரை ஊறவிடவும்

பின் 500 மில்லி தண்ணீரை கொதிக்க விட்டு கொதித்ததும் அதில் ஊறவைத்த கடல்பாசியை அந்த தண்ணீர் உடன் சேர்த்து ஐந்து நிமிடம் வரை கலந்து விடவும்

பின் சர்க்கரை சேர்த்து கலந்து விடவும் கடல்பாசி கரையறது நூல் நூலா இல்லாம தண்ணீர் தெளிவா கண்ணாடி மாதிரி இருக்கும் அப்போது அடுப்பை அணைத்து விட்டு அந்த சூட்டிலே வெனிலா எசென்ஸ் சேர்த்து கலந்து கொள்ளவும்

பின் அதை தனித்தனியான கிண்ணங்களில் கலர் கலந்து அதில் சமமாக பிரித்து ஊற்றி கலந்து அதை கட் செய்ய வசதியாக செட் ஆக தட்டில் ஊற்றி ஆறவிடவும் இன்னும் கொஞ்சம் கடல்பாசி கலவையில் காஃபி தூள் சேர்த்து கலந்து அதையும் தட்டில் ஊற்றவும் இதை அரை மணி நேரம் வரை வெளியே ஆறவிட்டு ஃபிரிட்ஜில் இரண்டு மணி நேரம் வரை வைக்கவும்

பின் வெளியே எடுத்து சின்ன சின்ன துண்டுகளாக நறுக்கி வைக்கவும்

சப்ஜா விதையை தண்ணீர் ஊற்றி 2 மணி நேரம் வரை ஊறவிடவும்

பால் கலவை செய்ய :2 லிட்டர் பாலை ஒரு லிட்டர் ஆக குறுக்கி சர்க்கரை ஏலக்காய்த்தூள் கலந்து இறக்கி ஆறவிட்டு ஃபிரிட்ஜில் குளிர விடவும் பின் அதனுடன் மில்க்மெயின்ட் சேர்த்து நன்கு கலந்து கொள்ளவும் பின் ஒரு உயரமான டம்ளரில் ரெடியாக உள்ள ஜெல்லியை ஒவ்வொரு கலராக லேயர் லேயராக போடவும்

பின் ஊறவைத்த சப்ஜா விதையை தண்ணீர் வடிகட்டி விட்டு போடவும் பின் ரெடியாக உள்ள பால் கலவையை சிறிது சிறிதாக ஊற்றவும் பால் மெதுமெதுவாக கீழே இறங்கும் பாலை மட்டும் கடகடவென்று ஊற்றாமல் மிகவும் மெதுவாக ஊற்றவும்

பின் மேலே அலங்கரிக்க நறுக்கிய பாதாம் மற்றும் ஜெல்லி கொஞ்சம் போட்டு அலங்கரிக்கவும்

இதை அப்படியே ஃபிரிட்ஜில் ஒரு இரண்டு மணி நேரம் வரை குளிரவிட்டு ஜில்லென்று பரிமாறவும் சுவையான ஆரோக்கியமான ஜெல்லி மில்க்ஷேக் ரெடி