ஜெல்லி செய்ய: அகர் அகரை இரண்டு முறை கழுவி 300 மில்லி சூடான தண்ணீர் ஊற்றி அரை மணி நேரம் வரை ஊறவிடவும் பின் 1/2 லிட்டர் தண்ணீர் ஊற்றி கொதிக்க விடவும் கொதித்ததும் ஊறவைத்த சைனாகிராஸ் சேர்த்து நன்கு கிளறவும்

பின் சர்க்கரை சேர்த்து கலந்து சைனாகிராஸ் முழுவதும் கரைந்து கண்ணாடி போல் தெளிவாக வந்ததும் இறக்கி அந்த சூட்டிலே வெனிலா எசென்ஸ் சேர்த்து கலந்து தனித்தனியாக பிரித்து விரும்பிய கலர் சேர்த்து ஆறவிட்டு ஃபிரிட்ஜில் இரண்டு மணி நேரம் வரை நன்றாக செட் செய்து சின்ன சின்ன துண்டுகளாக நறுக்கி கொள்ளவும்

பாதாம் பிசினை 8 _12 மணி நேரம் வரை ஊறவிடவும் சப்ஜா விதையை இரண்டு மணி நேரம் வரை ஊறவிடவும்

இரண்டு லிட்டர் பாலை அடுப்பில் வைத்து ஒரு லிட்டர் ஆக சுண்ட காய்ச்சவும் அதில் மில்க்மெயின்ட் சேர்த்து நன்கு கலந்து குளிரவிடவும்

கேரமல் சாஸ் செய்ய: வெறும் வாணலியில் சர்க்கரை சேர்த்து மெல்லிய தீயில் வைத்து நன்றாக கிளறவும் சூட்டில் சர்க்கரை கரைந்து இளகி உருகி தேன் கலர் வரும் வரை மெல்லிய தீயில் வைத்து நன்றாக கிளறவும்

தேன் கலர் வந்ததும் தண்ணீரை சிறிது சிறிதாக சேர்த்து நன்கு கிளறவும் பின் கேரமல் தண்ணீர் உடன் சேர்ந்து கரைந்து சாஸ் பதத்தில் வந்ததும் இன்னும் க்ரீமியாக்க ப்ரஷ் க்ரீம் சேர்த்து கலந்து கொள்ளவும்

எல்லாம் சேர்ந்து க்ரீமியா வந்ததும் பட்டர் சேர்த்து கலந்து இறக்கவும் இதை பாட்டிலில் நிரப்பி ஸ்டோர் செய்து கொள்ளவும்

பின் சுண்ட காய்ச்சிய பாலுடன் கேரமல் சாஸ் சேர்த்து நன்கு கலந்து நறுக்கிய ஜெல்லி ஊறவைத்த சப்ஜா விதை பாதாம் பிசின் சேர்த்து நன்கு கலந்து பிரிட்ஜில் வைத்து குளிரவிடவும்

சுவையான ஆரோக்கியமான கலர்புல்லான ஜிகர்தண்டா சர்பத் ரெடி நல்லா ஜில்லென்று பரிமாறவும்