முதலில் ஒரு மிக்ஸி ஜாரில் சின்ன வெங்காயம், பச்சை மிளகாய், தேங்காய், 1 டீஸ்பூன் சீரகம், 1/2 டீஸ்பூன் சோம்பு, முந்திரி பருப்பு, பொட்டுக்கடலை, 1 ஏலக்காய், 2 கிராம்பு, 1 பட்டை சேர்த்து நன்கு அரைத்து எடுத்து கொள்ளவும்.

பின்னர் அடுப்பை பற்ற வைத்து ஒரு கடாயில் 4 டேபிள்ஸ்பூன் எண்ணெய் ஊற்றி கொள்ளவும்.

எண்ணெய் காய்ந்ததும் 1 டீஸ்பூன் சீரகம் 1/2 டீஸ்பூன் சோம்பு 2 கிராம்பு 1 பட்டை 1 பிரியாணி இலை 2 ஏலக்காய் சேர்த்து வதக்கவும். பின் பெரிய வெங்காயம் சேர்த்து வதக்கவும்.

வெங்காயம் நன்கு வதங்கியதும் இஞ்சி பூண்டு விழுது சேர்த்து வதக்கவும். பின் தக்காளி சேர்த்து வதக்கவும். பின் மஞ்சள் தூள், மிளகாய் தூள், மல்லி தூள், மற்றும் கரம் மசாலா தூள் சேர்த்து வதக்கவும்.

பின் அரைத்து வைத்துள்ள விழுது சேர்த்து நன்கு வதக்கவும். நன்கு வதங்கியதும் தேவையான அளவு தண்ணீர் மற்றும் உப்பு சேர்த்து 10-15 நிமிடங்கள் வரை நன்கு கொதிக்க விடவும்.

ஓரங்களில் எண்ணெய் பிரிந்து வரும் போது நறுக்கிய கொத்தமல்லி புதினா இலை தூவி இறக்கவும். சுவையான சால்னா தயார். இதை இட்லி, தோசை, சப்பாத்தி மற்றும் பரோட்டாவடன் சாப்பிட அருமையாக இருக்கும்.