1கப் உளுந்தை மிக்ஸி ஜாரில் சேர்த்து நன்றாக மைய அரைக்கவும்.பின் சலித்து எடுக்கவும்.

உளுந்து ப்ரெஷ் ஆக இல்லையெனில், 30நிமிடங்கள் நல்ல வெயில் வைத்து விட்டு அரைத்தால் அரைபடும்.

சலித்த உளுந்து பொடியில்,உப்பு,பேக்கிங் பவுடர் மற்றும் நல்லெண்ணெய் கலந்து விட்டு,பின் கொஞ்சம் கொஞ்சமாக தண்ணீர் விட்டு பிசைய வேண்டும்.

இனி,மைதா அல்லது கோதுமை மாவு பரப்பி,அதன் மேல் வைத்து ஒவ்வொரு உருண்டைகளையும் தேவையான வடிவத்தில்,மெல்லியதாக விரிகவும்.

மைதா/கோதுமை மாவு இல்லாமல்,விரிக்க முடியாது.அதன் மேல் வைத்தால் நன்றாக மெலிதாக விரிக்க வரும்.

விரித்த ஒவ்வொரு வட்டங்களையும்,துணி அல்லது பேப்பரில் போட்டு வெயிலில் 20 நிமிடங்களுக்குள் எடுத்து விடவும்.

நேரம் ஆகி எடுதால் ஓரங்கள் சுருண்டு விடும்.ஆனால் பொரிக்கும் போது நன்றாக தான் இருக்கும்.

அல்லது மின்விசிறியின் அடியில் வைத்து 2 பக்கங்களும் நன்றாக காய வைத்து,ஈரப்பதம் இல்லாமல் எடுக்கவும்.

இனி பொரித்துக் கொள்ளலாம்.

அவ்வளவுதான். சத்தான உளுந்து அப்பளம் ரெடி.