ஆற்காடு மக்கன் பேடா(arcot makkhan peda recipe in tamil)

கோவாவை தேய்த்து மிருதுவாக்கவும். பின் அதில் மைதா, நெய் சேர்த்து நன்கு கலந்து பிசைந்து 10நிமிடம் மூடி வைக்கவும்.

ஒரு பாத்திரத்தில் சர்க்கரையையும், 500மிலி தண்ணீர் சேர்த்து கொதித்ததும் பால் சிறிது சேர்த்து அழுக்கை நீக்கிவிட்டு 5 நிமிடம் கொதிக்க விடவும். ஏலக்காய் தூள், குங்குமப்பூ சேர்த்து இறக்கவும்.

ஊறிய மாவை சிறு சிறு உருண்டைகளாக உருட்டி நடுவில் பாதாம், முந்திரி, பிஸ்தா சிறிதளவு வைத்து உருட்டி லேசாக தட்டி வைக்கவும். இதேப் போல் எல்லா மாவையும் தயார் செய்து வைக்கவும்.

வாணலியில் எண்ணெய் அல்லது நெய் ஊற்றி காய்ந்ததும் சிம்மில் வைத்து பேடாவைப் போட்டு பொரித்து 5 நிமிடம் ஆற விடவும். பின் பாகில் ஊற வைக்கவும். 30 நிமிடங்கள் கழித்து ரெடியானமக்கன் பேடா மேல் பிஸ்தா தூளைத் தூவிப் பரிமாறவும்.