வெஜ் ப்ரெட் ரோல்(veg bread roll recipe in tamil)

ஒரு பாத்திரத்தில் கார்ன்ஃப்ளார், மைதா மாவு, உப்பு சிறிதளவு, மிளகுத்தூள் உடன் சிறிதளவு தண்ணீர் சேர்த்து கரைத்து வைக்கவும்.

ஒரு வாணலியில் எண்ணை விட்டு காய்ந்ததும் வெங்காயம் சேர்த்து சிவக்க வதக்கவும். இதில் இஞ்சி பூண்டு விழுது சேர்த்து 1 நிமிடம் வதக்கவும். பின் இதனுடன் கரம்மசாலாத் தூள், மிளகாய் தூள், உப்பு சிறிதளவு சேர்த்து நன்கு வதக்கவும்.

இதில் வேக வைத்த கேரட், பச்சைப்பட்டாணி சேர்த்து வதக்கவும். இதில் முந்திரி, கொத்தமல்லித்தழை சேர்த்து வதக்கி, மசித்த உருளைக்கிழங்கு சேர்த்து வதக்கவும். ஆற விடவும்.

ப்ரெட் ஸ்லைஸை பூரிக்கட்டை வைத்து தேய்த்து அதில் கேரட் கலவையை வைத்து உருட்டி வைக்கவும். இதை கார்ன்ஃப்ளார் கலவையில் தோய்த்து, ப்ரட் க்ரமஸில் புரட்டி எண்ணெயில் போட்டு பொரித்து எடுக்கவும். முருகலான சூப்பர் சுவையில் வெஜ் ப்ரெட் ரோல் ரெடி. சாஸுடன் சாப்பிடவும்.