கோதுமை மாவுடன் சிறிது தண்ணீர் சேர்த்து சப்பாத்தி மாவு பதத்தில் பிசைந்து கொள்ளவும்

நல்ல வர தேங்காயை எடுத்து துருவி சிறிது ஐஸ்கட்டியை சேர்த்து நன்கு அரைத்து பின் பிழிந்து கெட்டியான தேங்காய் பால் எடுக்கவும்

பின் மீண்டும் சிறிது (1/4 கப் தண்ணீரை இரண்டாக பிரித்து வைக்கவும்) தண்ணீர் சேர்த்து மீண்டும் அரைத்து இரண்டாம் பால் எடுக்கவும்

பின் மீண்டும் சிறிது தண்ணீர் சேர்த்து அரைத்து பிழிந்து மூன்றாவது பால் எடுத்து வைக்கவும்

இப்போது மூன்றாவது தேங்காய் பாலுடன் பிசைந்து வைத்த கோதுமை மாவை சுமார் அரை மணி நேரம் வரை ஊறவிடவும்

பின் அதை நன்கு பிசைந்து மஸ்லின் துணியில் நன்கு பிழிந்து வடிகட்டி பால் எடுத்து வைக்கவும்

பின் இரண்டாம் தேங்காய் பாலை சிறிது சிறிதாக சேர்த்து நன்கு கட்டியில்லாமல் கலந்து வைக்கவும்

பின் அடிகனமான பாத்திரத்தில் கேரமல் செய்ய கொடுத்துள்ள சர்க்கரை சேர்த்து மெல்லிய தீயில் உருக்கவும்

சர்க்கரை சூட்டில் இளகி பின் உருக ஆரம்பிக்கும்

பின் (தொடர்ந்து மெல்லிய தீயில் வைத்து நிதானமாக கிளறவும் இல்லை என்றால் கருகி விடும்)

பின் சிறிது நேரத்தில் சர்க்கரை முழுவதும் கரைந்து தேன் கலரில் வரும் போது சிறிது தண்ணீர் விட்டு நன்றாக கிளறவும்

சர்க்கரை கரைந்து இப்போது கேரமல் சாஸ் கிடைக்கும் அதை தனியாக எடுத்து வைக்கவும்

இப்போது அடி கனமான பாத்திரத்தில் சர்க்கரை மற்றும் முதல் தேங்காய் பால் சேர்த்து நன்கு கலந்து கொள்ளவும்

பின் கட்டியில்லாமல் கலந்து வைத்துள்ள கோதுமை மாவு கரைசலை ஊற்றி நன்கு கலந்து கொள்ளவும்

பின் அடுப்பை பற்ற வைத்து மெல்லிய தீயில் வைத்து நிதானமாக கிளறவும்

தீயை வேகமாக வைத்தால் சீக்கிரம் பதம் வந்து விடும் அல்வா நன்றாக இருக்காது கண்டிப்பாக மெல்லிய தீயில் வைத்து கிளறவும்

பதினைந்து நிமிடத்தில் சற்று கெட்டியாக ஆரம்பிக்கும்

தொடர்ந்து கிளறவும் தேங்காய் பால் கொதிக்க கொதிக்க எண்ணெய் பிரிந்து வரும் இந்த அல்வா பொறுத்தவரை நெய் தேவையில்லை தட்டில் தடவ மட்டுமே தேவை

நன்கு திக்காக பாத்திரத்தில் ஒட்டாமல் வரும் போது கேரமல் சாஸ் கலந்து கிளறவும்

நன்கு திரண்டு உருண்டு வரும் (கையை ஈரப்படுத்தி கொண்டு கையில் தொட்டு உருட்டினால் நன்கு உருண்டு வருவது பதம்)

பின் நறுக்கிய தேங்காய் துண்டுகள் மற்றும் நட்ஸ் கலந்து கிளறி நெய் தடவிய தட்டில் கொட்டி சமப்படுத்தி ஆறியதும் துண்டுகள் போடவும்