முதலில் தக்காளியை தேர்வு செய்யும் பொழுது நன்கு பழுத்த தக்காளியை எடுத்துக் கொள்ளவும். தக்காளியை கொதிக்கும் தண்ணீரில் 5 நிமிடம் வேகவிடவும். பிறகு தோலை உரித்து விட்டு கையால் பிசைந்தாள் நடுவில் கெட்டியான ஒரு பகுதி கிடைக்கும் அதையும் எடுத்துவிட்டு மிக்ஸி ஜாரில் சேர்த்து நன்கு பேஸ்ட் போல் அரைக்கவும்.

ஒரு கடாயில் நெய் விட்டு முந்திரியை வறுத்து எடுத்துக்கொண்டு அரைத்து வைத்த தக்காளியை அத்துடன் சேர்த்து நன்கு வதக்கவும். பச்சை வாசனை போகும் வரை வதக்கி விட்டு பிறகு ஜீனி சேர்த்து நன்கு கிளற அல்வா பதத்திற்கு சுருண்டு வரும்.

இப்பொழுது மிதமான தீயில் இரண்டு மூன்று நிமிடங்கள் மூடிவைத்து வேகவிட்டு பிறகு ஏலக்காய்த்தூள் சிட்டிகை உப்பு சேர்த்து கிளறி பரிமாற அற்புதமான தக்காளி அல்வா ரெடி.