ઈડલી બનાવવા માટે સૌપ્રથમ આપણે ઈડલી ના ખીરા માં ચપટી મીઠું અને ચપટી સોડા ઉમેરીને સારી રીતે હલાવીશું. હવે આપણે ઈડલી ને સ્ટીમ કરવા માટે એક કૂકરમાં પાણી ગરમ કરવા મૂકી દઈશું. હવે આપણે ઈડલી ના સ્ટેન્ડમાં તેલ લગાવીશું. હવે ઈડલી નુ ખીરુ ધીમે ધીમે ઈડલી ના સ્ટેન્ડમાં રેડીસુ. હવે સ્ટેન્ડને ટેપ કરીને કુકરમા ૧૦ મિનિટ માટે ઈડલી સ્ટીમ કરવા મુકીશું.

૧૦ દસ મિનિટ થઈ ગઈ છે. આપણી ઈડલી તૈયાર થઈ ગઈ છે. હવે આપણે સંભાર બનાવીશું. સંભાર બનાવવા માટે તુવેરની દાળને 3 પાણી થી સારી રીતે ધોઈ લઈશું.

હવે આપણે તુવેરની દાળમાં શીંગદાણા, લીલા મરચાં અને બધા શાકભાજી ઉમેરીને ૫ સીટી વગાડીશું. તુવેરની દાળ બફાઇ ગઇ છે.

હવે આપણે સંભાર નો વઘાર કરવા માટે એક પેન મા તેલ રેડીને ગરમ કરીશું. હવે આપણે એમાં રાઈ અને જીરું ઉમેરીશું. જીરું શેકાઈ જાય એટલે આખા લાલ મરચાં લસણ અને કળી પત્તા ઉમેરીશું. હવે આપણે અડદની દાળ ઉમેરીને થોડીવાર શેકાવા દઈશું.

હવે આપણે બધા મસાલા ઉમેરીશું. મસાલા સારી રીતે શેકાય જાય એટલે તુવેરની દાળ ઉમેરીશું ત્યારબાદ આમલીનું પાણી, ગોળ અને સ્વાદ અનુસાર મીઠું ઉમેરી બધું બરાબર મિક્સ કરીને થોડીવાર સંભાર ને ઉકળવા દઈશું. હવે આપણે ઝીણા સમારેલા લીલા ધાણા ઉમેરીશું. આપણો ગરમાગરમ સંભાર સર્વ કરવા માટે તૈયાર છે.