સાબુદાણા સાફ કરી, ધોઇને આશરે ૧/૩ કપ પાણીમાં એટલે કે સાબુદાણા ડૂબે તેટલું પાણી લઈ લગભગ ૪ થી ૫ કલાક અથવા બધુ પાણી સાબુદાણામાં શોષાઇને સાબુદાણા ફુલી જાય ત્યાં સુધી પલાળી રાખો.

હવે એક બાઉલ માં બાફેલાં બટાકાં મેશ કરી તેમાં સાબુદાણા અને સિંગદાણા નો ભૂકો ઉમેરો. જેમાં જીરું, સિંધવ મીઠું, આદું ની પેસ્ટ, લીલાં મરચાં ની પેસ્ટ ઉમેરી બરાબર મિક્સ કરી લેવું.

કોથમીર ઉમેરીને 10 થી 12 સરખા ભાગ કરી ગોળ ચપટા વડા નો આકાર આપવો. તળવા માટે તેલ ગરમ કરવું. તેલ ગરમ થાય ત્યારે 2 થી 3 વડાઉમેરી ઉપર અને નીચે બંને બાજુ ગોલ્ડન બ્રાઉન રંગના થાય ત્યાં સુધી ધીમી થી મધ્યમ આંચ પર વડા ને તળી લેવા.

કોથમીર ને લીલા મરચાં ની લીલી ચટણી, દહીં કે ચા સાથે આ ગરમા ગરમ વડા સર્વ કરવા.ઈચ્છાનુસાર ગાર્નિશ કરીને સર્વ કરવા.