સૌ પ્રથમ સાબુદાણાને સાબુદાણા ડૂબે તેટલું પાણી માં ત્રણ ચાર કલાક પલળવા મૂકી દો. પછી તેની કાણાવાળા વાડકામાં નીતારી લો. સાબુદાણા ના દાણા છુટ્ટા દાણા હોવા જોઈએ.

હવે એક બાઉલમાં સાબુદાણા લો. તેમાં મેશ કરેલા બટાકા એડ કરો બટાકા વધારે પડતા બફાઈ ના જવા જોઈએ.

પછી તેમાં આદુ મરચાની પેસ્ટ, લીંબુનો રસ, ખાંડ, જીરું, વરિયાળી, સમારેલી કોથમીર, લાલ મરચું પાઉડર, મીઠું, ક્રશ કરેલા સીંગદાણા આ બધો મસાલો મિક્સ કરી લો.

બધું મિક્સ કરી લો પછી તેલ વાળા હાથ કરી ને ટીક્કી બનાવી દઈશું. આ રીતે બધી ટીક્કી બરાબર તૈયાર કરી લો.

પેનમાં તેલ ગરમ કરવા મુકો. સાબુદાણા વડા ને ફાસ્ટ ગેસ પર તળવા. જેથી તેમાં તેલ ભરાઈ ના રહે.બંને સાઇડ વડાને બરાબર તળી લો. ગોલ્ડન બ્રાઉન થાય ત્યાં સુધી તળવા. ફુલેલી પૂરી જેવા થાય છે. આ વડા ઉપરથી ક્રિસ્પી અને અંદરથી સોફ્ટ બને છે.