#shr#week-3श्रावणात अळू ची पान भरपूर प्रमाणात येतात आम्ही श्रावणात अळू चे भाजी बनविण्यापासून सर्वच प्रकार बनवतो त्यातलाच हा एक प्रकार आहे अळू वडी चा थोडा वेगळा प्रयत्न केलाय तुम्ही पण बनवुन बघा नक्की आवडणार तुम्हाला चला तर मग रेसिपी पाहूयात

#ashr#आषाढ महिना स्पेशल रेसिपी#खुसखुशीत अळू वडी

#ngnr#नो ओनियन,नो गार्लिक रेसिपी "डाळ मिश्रीत अळू वडी"नेहमी आपण बेसन पीठ, तांदूळ पीठ वापरून अळू वडी, कोथिंबीर वडी बनवतो..पण कधी डाळ भिजवून, वाटून मसाले घालून बनवुन बघा.तुम्हाला नक्कीच आवडेल.. खुप छान कुरकुरीत आणि टेस्टी होते वडी..एकदा ही रेसिपी बनवताना माझ्या आईने सांगितलेला किस्सा आठवला.. पुर्वी गावी घरीच जात्यावर दळण दळायचे,घरचे धान्य,डाळी असायचे....आजी दिवसभर कुठेतरी शेजारच्या गावी जाणार होती,तिने आईला सांगितले डाळ दळून घे मग अळू वडी कर.‌..आईला वाटले जात्यावर दळण म्हणजे जास्त डाळ दळावी लागेल मग तिने अळूवडी साठी लागेल तेवढीच डाळ दोन तास भिजत ठेवली व दगडी पाट्यावर वाटून घेतली.व अळूवडी बनवली..आजी, आजोबांना ती अळूवडी खुप आवडली.तेव्हापासून आमच्या घरात डाळ वाटून च अळूवडी बनू लागली.. नंतर मिक्सर आला मग पाट्यावर वाटायचे श्रम ही बंद झाले... मला आठवण झाली की अधुनमधून डाळ वाटून करते अळूवडी..

#पश्चिम # महाराष्ट्र😋अळूवडी😋अळूवड्या खायला जेवढ्या खमंग चटकमटक-कुरकरीत,असतात तेवढ्याच करायला खूप मेहनत, कठीण,आणि वेळखाऊ असतात. करणाऱ्याचा दम काढणाऱ्या आणि त्यांच सर्व कसब पणाला लावणाऱ्या असतात. कारण अळूवड्या बनविताना त्यांची चव व्यवस्थित जमवावी लागते. वडीला आंबटगोड चव लागली नाही, तर अळूवडी 'ही अळूवडी लागतच नाहीत😊अळूवड्याच हे'अळूवडीपण' असतं पानांना लावले जाणारे मसाले , त्यात वापरले जाणारे जिन्नस, पिठाचे प्रमाण, पिठाचा घट्टपणा ह्यात ते जमलं की अळूवडी तुम्हाला जमलीच समजा.😋खमंग-कुरकुरीत अळूवडी तोंडात टाकल्यावर तिची जी आंबड-गोड चव जिभेवर रेंगाळते, तिचं वर्णन करायला शब्दही सापडत नाहीत. त्यासाठी अळूवडी बनवून एखादी अळूवडीच तोंडात टाकायला पाहिजे हा.(कधी घेताय मग बनवायला)😃कुणाच्याही तोंडाला पाणी आणणाऱ्या अळूवड्या या जाडसर मोठ्या चमकदार पानांच्या,काळसर देठाच्या अळूपासूनच बनवतात.

#सात्विकरेसिपीज#कुकस्नॅपचॅलेंजया चॅलेंज करिता,supriya Thengadi यांची रेसिपी कुकस्नॅप केली .फारच सुंदर आणि चविष्ट झाली अळू वडी..😋😋Thank you dear for this delicious recipe ...😊🌹

#gur गणेशोत्सव स्पेशल म्हणून बापाच्या नैवेद्याच्या ताटामध्ये ठेवण्यासाठी अळूवडी बनवली आहे.रेसिपी खाली देत आहे.

#gur#गणपती स्पेशल रेसिपीअळू वडी कोकणात एकदम स्पेशल आहे गणपतीला अळूवडीच्या प्रसादाचा मान आहे गणपती आले की बाजारात अळूवडी चे पान खूप विकायला येतात व प्रत्येक जण आवडीने घेतोआपल्या आरोग्यासाठी अळूची पाने खाणे हे खूप फायदेशीर असते. ही भाजी अगदी सहजरित्या उपलब्ध होत असते, अळूच्या पानांमध्ये ए, बी, सी, कॅल्शिअम, पोटॅशिअम आणि अँटी ऑक्सिडन्टचे प्रमाण मोठ्या प्रमाणात असते आणि हे सर्व घटक आपल्या शरीरासाठी अत्यंत उपयुक्त असे असतात. त्यामुळे शरीराच्या अनेक समस्यांपासून जर सुटका हवी असेल तर या पानांचे सेवन करणे कधीही चांगले असते.

#MLR#मार्च लंच रेसिपीजजेवणात चटणी कोशिंबीर बरोबर तळण हे हवेच. म्हणून ही नेहमीपेक्षा वेगळी अळू वडी.

#अळू वडी

#ngnr#अळुवडी आवडत नाही असा माणूस विरळाच. नांव काढलं तरी तोंडाला पाणी सुटले ना.पावसाळ्यात अळूच्या पानांना वेगळीच छान चव असते .या दिवसात केलेली अळुवडी अप्रतिम लागते.अळुमधे औषधी गुणधर्म खुप आहेत. अळुमधे ए,बी,सी जीवनसत्वे,कॅल्शियम,पोटॅशियम असते अॅन्टीऑक्सिडंट चे प्रमाण जास्त असल्याने प्रकृतीसाठी फायदेशीर आहे.शिवाय पित्त कफनाशक आहे.बाळंतिणीला जर दुध येत नसेल तर भाजी खायला देतात.असा हा बहुगुणी अळु त्याची जर अळुवडी केली तर आणखीन बहार.चला तर कशी करायची बघुयात.देवबाप्पा ला नैवेद्य म्हणून तुम्ही करू शकता.

#रेसिपीबुक #week7 सात्त्विक रेसिपीज सात्त्विक रेसिपीज या बिना कांदा लसणाच्या असतात..मागच्या सात्त्विक रेसिपी मध्ये आपण श्रावण महिन्यात सणासुदीला सात्त्विक रेसिपी का खातो ते बघितलंय.‌ श्रावणात क्षणात येते सरसर शिरवे...श्रावणसरी बरसत असतात..आणि या दिवसात खूप सार्या रानभाज्या उगवतात..त्या आरोग्यासाठी खूप उपयुक्त असतात..त्याचप्रमाणे भाजीचं अळू,वडीचं अळू देखील फोफावलेलं असतं..म्हणूनच का याला *वेडं अळू *म्हणतात.🤔..असो..अळूचे गुणधर्म मी आता इथे काही सांगत बसत नाही..तुम्ही तेवढे गुगलून घ्या..म्हणजे गुगल करा हो..😄.... तर या अळूवडीला,अळूभाजीला नैवेद्याच्या पानात अग्रभागी स्थान असतेच असते..या दोन्ही शिवाय नैवेद्य पुरा होत नाही..फक्त याची एक खोड म्हणजे..अळू खाजरा असतो काही वेळेस..म्हणून मग चिंचेचा कोळ घातला की अळूमधले crystals त्यात विरघळतात..आणि मग घसा खवखवत नाही..आणि मग प्राप्त होते स्वर्गीय चवीची खमंग खरपूस चवदार रुचकर अशी अळूवडी..‌आहा...तर मग चला चला लवकर..या माझ्या पाठोपाठ या cookpad च्या virtual किचनमध्ये😄😄

#fdr ही रेसिपी मी माझ्या Cookpad च्या सर्व सुगरण मैत्रिणींना समर्पित करते..❤️ "खुप साऱ्या लेअर्स आणि खमंग कुरकुरीत अळुवडी"

#ashr क्रीस्पी अळु वडी . खमंग व चविष्ट आंबट गोड अशी सर्वांची आवडणारी अळुवडी माझ्या मुलाची अतिशय आवडणारी अळुवडी .

#PRRअळूवडी असा पदार्थ आहे तो ताटात, पानावर वाढला जातो . प्रत्येक ताट वाढताना अळूवडी चे स्थान हे असतेचजवळपास सगळ्यांचीच आवडती अळूवडी हा पदार्थ आहे अळूवडी हा साईड डिश म्हणून सर्व्ह केला जातो.अळूची पाने जवळपास सर्वत्रच उगतात आणि सगळीकडेच अळूवडी ही बनवली जाते.भजीच्या प्रकारासारखाच हा प्रकार असतो बनवतानाही खूप छान वाटते आणि तयार झाल्यावर पटकन संपते पण.भारतात सर्वत्रच अळूवडी तयार होते आणि सगळेच याचा आनंद घेतात. सर्वात जास्त महाराष्ट्र आणि गुजरात या राज्यात सर्वात जास्त हा पदार्थ लोकप्रिय आहेअळूवडी याला गुजरातीत पात्रा अजूनही बऱ्याच वेगळ्या नावाने लोक या पदार्थाला ओळखत असेल.बऱ्याच ठिकाणी अळूवडी बरोबर पोळीही खातात आणि बऱ्याच ठिकाणी हिरवी चटणी मिरची बरोबरही अळूवडी खातात. वरण-भाताबरोबरही अळूवडी खूप छान लागतेआता वळूया रेसिपी कडे.

#shr श्रावण सुरू झाला आणि या अळूवड्या चाखल्याच नाही असा एखादाच बघायला मिळेल... तर आज श्रावण स्पेशल आमच्याकडे अळुवड्या

#ngnrखमंग खुसखुशीत अळूवडी ही नैवेद्यासाठी खास करतात. आपल्या थीमनुसार कांदा लसूण न घालता बनणारी अळूवडी..... अळूवड्याची रेसिपी अशी आहे की ज्यामध्ये कांदा-लसूण घालायची गरज नाही तरीही आंबटगोड आणि तिखट चवीची अळूवडी फारच छान लागते. मी अशीच अळूवडी नेहमी बनवते तुम्ही ही रेसिपी नक्की करून बघा 😊👍

#ngnrश्रावण महिन्यात घरोघरी आवर्जून केली जाणारी ,खमंग आणि कुरकुरीत अळूवडी.यामधे मी लसूण वापरता अळू वडी बनवली आहे. तरीही चवीत मात्र काही फरक नाही.

#gpसणासुदीच्या जेवणाच्या पानात अळूवडीला मान असतोच.

#MDमाझ्या आईच्या हातचे सर्वच पदार्थ मला आवडतात माझी आई अळूवडी खूप छान बनवते तर तिने गावाहून पाठवून दिलेल्या आमच्या परड्यातील अळूच्या पानांची अळू वडी ची आई ची रेसिपी दाखवणार आहे

#shr (श्रावण स्पेशल)#week 3

सुग्रास अळू वडी

मी मंगला शहा मॅडम ने बनवलेली कोथिंबीर अळू वडी ही रेसिपी कुकस्नॅप केली.वेगवेगळ्या तर दोन्ही वड्या बऱ्याचदा करतो पण मॅडम नी केलेली ही दोन्ही एकत्र म्हणजे कोथिंबीर पण आणि अळूची पान पण ह्याची वडी प्रथमच करते.रेसिपी वाचूनच लगेच करावीशी वाटली.खूपच tasty झाल्या वड्या.एकदम मस्त...😋

#अळूआमच्या बागेत खुप अळू उगवलेत . मला वाटलं नेहमी एकाच चवीची भाजी करण्या पेक्षा काहीतरी वेगळा प्रयोग करून पाहुया. मग शाही अळू बनवले. मस्त झालेय. जरा हटके. तुम्ही पण करून बघा नक्की आवडेल तुम्हाला. चला पाहुया शाही अळू कसे करायचे.

#रेसिपीबुक #week10श्रावण भाद्रपद महिन्यामध्ये साधारण आळूची पाने खूप छान येतात. अळूचं गरगट पण केल जातो. पण माझ्या घरात आळूची वडी सगळ्यांना खूप आवडते.तरी आळुच्या वड्या ची रेसिपी आज मी तुमच्याबरोबर शेअर करत आहे.

#HLR या मध्ये dioxidant जास्त असतो.

#रेसिपीबुक#week14प्राणी, पक्षी, फळे, फुले यांचे जसे राजे मानले जातात तसे वडी पदार्थांची राणी म्हणजे अळूवडी मानली जाईल. त्यातही 'नारळाच्या दुधातली अळूवडी' म्हणजे जणू सिंहासनावर बसलेली महाराणीच. अळूचा जन्म कंदमुळाच्या वंशातील आहे. वडीच्या अळूच्या पाठीवर, भाजीचा अळू आणि शोभेचा अळू अशी आणखी दोन भावंडे. पण जेष्ठतेनुसार राजगादी वडीच्या अळूकडे आली आहे. अळूवडीने त्या गादीचा मान सर्वतोपरी राखला आहे. आग्नेय आशियातील आपले साम्राज्य विस्तारत आता जवळपास संपुर्ण आशिया व आफ्रिकेच्या बहुतांश भागात पसरले आहे. अर्थात या साम्राज्य विस्तारात अळूवडीला मानणारी प्रजा, म्हणजे घरोघरीच्या गृहिणींचा मोठा वाटा आहे. पिढी-दर-पिढी या रेसिपी घराघरांतून जपल्या गेल्या आहेत.प्रत्येक पदार्थाची एक ओळख, एक डिग्निटी असते. अळूवडीच्या बाबतीत या डिग्निटीला धक्का लावण्याचा प्रयत्न काही दुकानांमधून होतो. अनेकदा काही ढोकळा, जिलेबी, समोसा विकणाऱ्या दुकानांतून अळूवडी सदृष्य पदार्थ विकला जातो. पारंपारिक पद्धतीने बनविलेली अळूवडी ही खरी चलनी नोट मानली तर या दुकानांतून मिळणारी अळूवडी म्हणजे 'भारतीय बच्चोका बँक' या नावाने मिळणाऱ्या खेळण्यातील नोटांसारखी असते. अळूवडीची डिग्निटी सांभाळायची, तिचा आब राखायचा तर ती पारंपारिक पद्धतीने बनवून, एखाद्या खास जेवणाच्या ताटात विराजमान व्हायला हवी. आपल्याला लक्षात ठेवायला हवे, ती महाराणी आहे!अळूची पाने बाराही महिने उपलब्ध असतात. भाजीचा अळू वर्षभर वेगवेगळ्या पद्धतीने भाजी म्हणून खाल्ला जातो. अळूच्या कंदाला उपवासाच्या पदार्थांत मान आहे. पण खरी सेलिब्रिटी असते ती अर्थातच आपली अळूवडी. नारळाच्या दुधाच्या राज्यासनावर विराजमान झालेली समस्त वड्यांची महाराणी 'अळूवडी'!

#EB1 #W1हिवाळ्याच्या सीझनमध्ये आपल्याला गरम गरमखमंग तळलेले पदार्थ खाण्याची खूप इच्छा होते तर या सीजन मध्ये बाजारामध्ये खूप सार्‍या रंगी बेरंगी भाज्या आलेल्या असतात. तर मग अशा वेळेस ही खमंग खुसखुशीत कोथिंबीर वडी म्हणजे उत्तम पर्याय आहे चला तर मग पाहूया त्याची रेसिपी

# कूकपॅड ट्रेडिंग रेसिपीज साठी मी आजअळूवडी ही रेसिपी पोस्ट करत आहे. श्रावण महिन्यात मिळनाऱ्या हिरव्या पालेभाज्या मधील अळूची भाजीची पाने तसेच अळूवडीची पाने मिळाली. माझ्याघरी सर्वांना अळूवडी खूप आवडते.

#रेसिपीबुक #week14 आळूवडीआणिबर्फीरेसिपीpost1कुरकुरीत खमंग अळूवडी बहुधा लहान-थोर सर्वानाच  आवडते.  पूर्ण श्रावण आणि पावसाळ्यामधे अळूची पाने मुबलक प्रमाणात उपलब्ध असतात. काळसर देठाची अळू ही अळूवडीसाठी वापरली जातात आणि साधारण हिरवट देठाची पाने अळूच्या भाजीसाठीवापरली जातात.तळताना अळूवडीच्या सुटत जाणा-या खमंग पदरासारख्या कितीतरी आठवणी ह्या एका मराठमोळ्या पदार्थांभोवती घुटमळतात. एकेका सुरेख आठवणींचे पदर हळूहळू उलगडत पार भुतकाळाची वारी घडवून आणतात.  अळूवडीची पाने आता जरी सर्रास १२ महिने मिळत असली तरी पूर्वी जास्त करून पावसाळ्यात उपलब्धता असे. मस्त पावसाळ्यातील दिवस, हिरवाईच्या अनेक छटा ल्यालेली झाडे, धुंद वातावरण आणि खमंग शाकाहारी जेवणाचा बेत. गौरी-गणपतीत तर  घरी हमखास अळूवडीचा बेत असतो. यात एक नाव आवर्जून घेतलं जातं ते म्हणजे अळूची पाने (Taro Leaf). अळूच्या पानांपासून बनवलेल्या अळूवड्या ह्या महाराष्ट्रीयन लोकांमध्ये विशेष लोकप्रिय आहेत. पण तुम्हाला माहिती आहे औषधी गुणधर्म असलेल्या या अळूच्या पानांपासून न केवळ अळूवडी बनवता येते तर आणखी खमंग, चटकदार चवदार अशा रेसिपीज बनविता येतात.अळूची पाने खाल्ल्याने रक्तदाब नियंत्रणात आणता येते. त्याचबरोबर पोटाचे विकार, सांधेदुखी यांसारखे आजारही बरे होण्यास मदत होते. त्यामुळे अळूची पाने खाताना जर तुमची नाकं मुरडत असतील तर तुम्ही ही आळूवडीची रेसिपीज ट्राय करुन त्यावर ताव मारू शकता.

#EB1#wk1#E-BookRecipechallengeहिवाळा संपला असला तरीही बाजारात अजून कोथिंबीर चांगली मिळते आहे. कुठलाही तिखट पदार्थ कोथिंबिरीशिवाय अपूर्ण वाटतो. कोथिंबीर घातली की पदार्थाला कसं सुंदर रंगरूप येतं. विशेषतः पिवळ्या रंगाच्या पदार्थांवर तर कोथिंबीर घालायलाच हवी. या दिवसांत मिळणा-या विपुल कोथिंबिरीचा वापर आपण सगळेच जण वेगवेगळ्या पदार्थांमध्ये करत असतो. मला स्वतःला कोथिंबीर पराठे, वैदर्भीय पुडाची वडी किंवा बाकर वडी, कोथिंबिरीचा भात हे पदार्थ तर आवडतातच. शिवाय कोथिंबीर वडीही आवडते. मुंबईकडे बहुतेक ठिकाणी मिळते ते कोथिंबीर वडी म्हणजे पिठल्याची वडी असते. या वड्यांमध्ये कोथिंबिरीचं प्रमाण कमी आणि बेसनाचं प्रमाण जास्त असतं. अशा वड्या मला अजिबात आवडत नाहीत. कोथिंबीर वडी कशी खुसखुशीत असायला हवी. त्यात कोथिंबिरीचा पुरेपुर स्वाद उतरायला हवा. विशेषतः वडीच्या बाहेरच्या भागातली तळलेली कोथिंबीर तर काय अफलातून लागते!😋😋पाहूयात खमंग कोथिंबीर वडी