चार ब्रेड स्लाइस च्या कडा काढून घ्याव्यात. माझे खजूर मऊच असल्यामुळे मी डायरेक्ट मिक्सरवर ते बारीक करून पेस्ट करून घेतली.

ज्या भांड्यात घट्टमलई काढली आहे त्यामध्ये आता डेसिकेटेड कोकोनट आणि दूध पावडर ऍड करून घ्यावे. मी इथे पिढी साखर वापरली नाही आपण वापरू शकता मी साहित्यात पिठीसाखर दाखवली आहे सर्वांसाठी परंतु मला गोडिला योग्य वाटल्यामुळे मी इथे साखर ॲड करत नाही. मलई चे साहित्य एकजीव करून त्याची घट्टसर पेस्ट करून घेणे. दहा मिनिटे फ्रिजमध्ये सेट होण्यास ठेवून देणे.

ब्रेडच्या स्लाईस ना एका साईडने व्यवस्थित बटर लावून घेणे. हे लावल्यामुळे मलई पेस्ट व खजूर पेस्ट ब्रेडला शोषली जाणार नाही आणि स्लाईस मऊ पडणार नाहीत. आणि टेस्ट सुद्धा सुंदर येते. आता दोन ब्रेडच्या स्लाईसला पाण्याचा हात लावून कडा जोडून घ्याव्यात. अशाच दुसर्‍या दोनही जोडून घ्याव्यात.मग एका स्लाईस वर खजूरची पेस्ट आणि एका स्लाईस वर मलई ची पेस्ट पसरवून घ्यावी.

या स्लाईस थोडावेळ फ्रीजमध्ये सेट करून घ्यावे. सध्या उन्हाळा असल्यामुळे ही प्रोसेस करावी लागते अन्यथा न थंडी किंवा पावसाळ्यात हे करण्याची आवश्यकता पडणार नाही कदाचित. कारण या पेस्ट उन्हाने सैल पडण्याची शक्यता असते. या फ्रीजमधून काढून आधी एका स्लाईस चा घट्ट दाबून व्यवस्थित रोल करून घ्यावा आणि मग दुसरी स्लाईसमध्ये पहिला रोल ठेवून त्याच्या भोवतीने दुसरा रोल गुंडाळून घ्यावा. इथे आपली रोल बनवण्याची प्रोसेस पूर्ण झाली.

हा रोल आता पुन्हा फ्रीजमध्ये सेट करण्यासाठी ठेवावा पंधरा मिनिटांनी तो सेट झाला की बाहेर काढून त्याच्या आपल्याला हव्या त्या आकारात स्लाईस करू घ्याव्यात. प्लेटमध्ये ठेवून वरून चेरी ठेवून त्याला छान डेकोरेट करावे. असे हे आपले यम्मी शुगर फ्री ब्रेड स्विस रोल तयार आहेत. तुम्ही घरी जरूर बनवा. आपला हा पदार्थ पार्टीसाठी सुद्धा रेडी आहे. शुगर फ्री असल्याने मुलही भरपूर खाऊ शकतील व घरचे वयस्कर लोक ही खाऊ शकतात चावायचा त्रास नाही.हा युनिक आणि टेस्टी शुगर फ्री स्वीस रोल मी जगातील सर्व आयांसाठी डेडीकेट करते.