સૌપ્રથમ બટાકાને બાફી લો. પછી ઠંડું થાય એટલે તેને છોલીને તેના ગોળ પિતા કાપી લો. કાકડી ને ધોઈને છોલીને તેના ગોળ પિતા કાપી લો. ટામેટાને પણ ધોઈને ગોળ પિતા કાપી લો. કેપ્સિકમને પણ ધોઈને ગોળ પિતા કાપી લો. ડુંગળીને છોલીને ગોળ પિતા કાપી લો.

હવે બ્રેડની ઉપર પહેલા બટર ચોપડી લો. પછી તેની ઉપર કોથમીરની ગ્રીન ચટણી ચોપડો.

પછી તેની ઉપર ડુંગળી અને કેપ્સિકમ ની સ્લાઈસ મૂકી ઉપર ટામેટા કાકડી અને બટાકાની પણ સ્લાઇસ મૂકો.

પછી તેની ઉપર ચાટ મસાલો ભભરાવો. અને બીજી એક બ્રેડ પર પહેલા બટર ચોપડી ઉપર કોથમીર ની ચટણી ચોપડી તૈયાર કરેલ બ્રેડની પર ઢાંકી દો.

પછી તૈયાર કરેલી સેન્ડવીચ ને બંને બાજુ બટર ચોપડીને સેન્ડવીચ મેકર માં બે મિનિટ માટે શેકી લો. પછી બીજી સાઈડ પણ ઉથલાવીને બે મિનિટ માટે શેકી લો. પછી તૈયાર થયેલી વેજીટેબલ સેન્ડવીચ ને વચ્ચેથી કટ કરીને ગાર્નીશ કરેલી પ્લેટમાં સોસ સાથે સવૅ કરો...