सर्व प्रथम वाटी मध्ये बेसन पीठ चाळून घेणे. त्यात चवीप्रमाणे मीठ, लसूण-मिरची-कोथंबीर पेस्ट, हळद व पाणी टाकून एकजीव करून घेणे.

नंतर एका कढईत तेल गरम करून त्यात हे मिश्रण टाकून परतून घेणे. हे मिश्रण सतत परतावे लागते, नाहीतर खाली करपण्याची भीती असते. साधारण १० मिनिटे परतवल्यावर बेसन पीठ चांगले शिजते.

आता ग्रेव्हीची तयारी करू. सर्वात प्रथम कांदे, खोबर, कोथंबीर व लसूण- अद्रक पाणी घालून मिक्सरला बारीक वाटून घ्या. (यात तुम्ही वाटताना टोमाटो पण घालू शकता- आवडीनुसार)

कढईत तेल गरम करून घ्या. त्यात अगोदर वाटलेलं १ चमचाभर मिश्रण घालून परतवा. नंतर त्यात हळद, मिरची पावडर, गरम मसाला, धने- जीरे पावडर व मीठ घालून एकजीव करा. मसाल्याचा सुगंध येउ लागल्यावर उरलेलं वाटण व गरजेनुसार पाणी घालून ग्रेव्ही मध्य आचेवर उकळून घ्या.

उकळी येऊ लागल्यावर त्यात अलगद वड्या सोडा व कमी आचेवर १५ मिनिटे शिजवून घ्या.

आपल्या पाटवड्या तयार आहेत. या तुम्ही चपाती किवा भातासोबत खाऊ शकता.