એક વાસણમાં ચણાનો લોટ ચાળીને લો. હવે ઘીને આછુ ગરમ કરીને તેમાં બે ચમચી ઘી અને દૂધ ચણાના લોટમાં ઉમેરો અને તેને બરાબર મિક્સ કરી લો. કડાઈમાં બચેલુ ઘી ગેસ પર ગરમ કરવા મૂકી દો.

ઘી ગરમ થઈ જાય પછી કડાઈમાં બેસનનું મિશ્રણ અને ઇલાયચી પાઉડર ઉમેરીને આ મિશ્રણ આછા બ્રાઉન રંગનું થઈ જાય ત્યાં સુધી શેકો.

ચાસણી : બીજા એક અલગ વાસણમાં ખાંડ અને પાણી નાંખીને ગેસ પર ધીમા તાપે ગરમ કરવા મૂકી દો. 2 તારની ચાસણી બને ત્યાં સુધી તેને ઉકળવા દો.

જ્યારે શેકેલા ચણાના લોટનું મિશ્રણ ઠંડુ થઈ જાય ત્યારે તેમાં ધીરે ધીરે ચાસણી નાંખીને તેને સતત હલાવતા રહો. જો તમને આ મિક્સચર થોડુ કડક લાગે તો તેમાં જરૂર મુજબ થોડુ દૂધ નાંખી દો જેનાંથી આ મિશ્રણ થોડુ ઢીલુ પડી જશે.

આ મિક્સચરને કોઈ થાળી કે ટ્રેમાં નાંખીને ફેલાવી દો. તેના પર બદામ અને પિસ્તા ભભરાવી સજાવટ કરો. આ પછી મિશ્રણમાં ચોરસ આકારના ચોસલા પાડી દો.