સૌપ્રથમ એક વાસણમાં ચણાનો લોટ લઇ તેમાં બેથી ત્રણ ચમચી દૂધ નાખી અને ૨ ચમચી ઘી નાખીને લોટને બરાબર હલાવીને તેનો ધાબો આપી તેને ઢાંકીને ૧૦ થી ૧૫ મિનિટ સુધી રાખો.

ધાબો આપ્યા બાદ ખાંડની ચાસણી તૈયાર કરવી. ખાંડની ચાસણી માટે ખાંડ ડૂબે તેટલું પાણી લેવું.

ચાસણીમાં ચપટી પીળો કલર અને એલચીનો પાઉડર ઉમેરો અને તેને ઉકળવા દો.ચાસણી ઉકળવા લાગે અને જાડી થવા લાગે ત્યારે તેને ચેક કરો.

હાથની બે આંગળીઓ વચ્ચે ચાસણીનું એક ટીપું મુકી ચેક કરો. એક તાર બને છે કે નહીં જો એક તાર બની ગયો હોય તો ચાસણી તૈયાર છે.

હવે ધાબો આપેલા લોટને ચારણી મદદથી ચાળી લો.

હવે એક કડાઈમાં ઘી મૂકીને ગરમ કરો. ઘી ગરમ થઈ જાય પછી તેમાં ચાળેલો લોટ ઉમેરો. પછી તેને ધીમા તાપે સતત હલાવતા રહો.જ્યાં સુધી તેમાંથી સુગંધ આવે અને તેનો કલર બદલાઈ જાય ત્યાં સુધી તેને ધીમા તાપે શેકતા રહો.

નીચેના ચિત્રમાં તમે જોઈ શકો છો કે લોટ નો કલર પહેલે કેટલો સાચો હતો અને સતત હલાવ્યા બાદ અને શેક્યા બાદ તેનો કલર ચેન્જ થઇ ગયો છે. હવે તેમાં તૈયાર કરેલી ચાસણીમાં ઉમેરો અને બધું બરાબર હલાવી નાખો.

એક મિનિટ હલાવ્યા પછી ગેસ બંધ કરી નાખો પછી ફરીથી તેને હલાવો. હવે એક થાળીમાં ઘી લગાવી ને તેમાં બનાવેલા મોહનથાળ ને નાખો અને બરાબર સેટ કરી દો. હવે કાજુ બદામની કતરણ થી નાખી સજાવો.

મોહનથાળ બનીને તૈયાર છે તેને ગુલાબની પાંદડીઓ થી સજાવી ને પીરસો.