முதலில் பால் வெதுவெதுப்பான சூட்டில் இருக்க வேண்டும் விரல் வைத்துப் பார்த்தால் லேசாக சூடு இருக்க வேண்டும் அதனுடன் ஈஸ்டும் 1ஸ்பூன் சர்க்கரையும் சேர்த்து 15 நிமிடங்கள் அப்படியே வைத்தால் ஈஸ்ட் நன்றாக பொங்கி இருக்கும்..

ஈஸ்ட் கலந்த பாலை மைதா மாவில் சேர்த்து தேவையான அளவு உப்பு மீதமுள்ள சர்க்கரையும் சேர்த்து நன்றாக பிசையவும்

கையில் ஒட்டுவது போல தான் இருக்கும் சிறிது எண்ணெய் விட்டு நன்றாக இழுத்து இழுத்து பிசையும் போது மிருதுவான பதத்திற்கு வந்துவிடும்

மாவின் மேல் எண்ணெய் தடவி மூடி ஒன்றிலிருந்து இரண்டு மணி நேரம் அப்படியே மூடி வைக்கவும் மாவு இரண்டு மடங்காக பொங்கி இருக்கும்.. எனக்கு இங்கு மழையாக இருப்பதால் எனக்கு மூன்று மணி நேரம் ஆனது..

பொங்கிய மாவை மீண்டும் நன்றாக பிசைந்து சிறு சிறு உருண்டைகளாக உருட்டி எண்ணெய் தடவிய டிரேயில் வைத்து மூடி மீண்டும் உருண்டை இரண்டு மடங்காக ஆகும் அளவு வைக்கவும்.. எனக்கு ஒரு மணி நேரம் ஆனது..

இப்பொழுது தயாராக உள்ள பன்னின் மீது லேசாக எண்ணையோ அல்லது வெண்ணெயோ தடவி கொள்ளலாம்... பிரிஹீட் செய்த அவனில் 150 டிகிரி செல்சியஸில் 25 நிமிடங்கள் பேக் செய்யவும்.. நான் அப் அண்ட் டவுன் மோடில் வைத்துள்ளேன்.. அப்பொழுதுதான் பன் மேலே கலரும் நன்றாக இருக்கும்..

பன் வெந்ததும் வெளியே எடுத்து அதன் மேலே எண்ணையோ அல்லது வெண்ணையை தடவி ஒரு துணியை வைத்து மூடி நன்றாக ஆறவிடவும்.. ஆறியதும் ட்ரேயில் இருந்து எடுத்து பரிமாறலாம்

இப்பொழுது அருமையான ஸ்வீட் பன் தயார்..