मस्त पावसाळा सुरू झाला आणि वातावरणात बदल जाणवू लागले... आता निसर्गात छान चैतन्य जाणवू लागेल. हवाहवासा गारवा मन प्रसन्न करून टाकेल. तर अशा हृया धुंद वातावरणात आपणही नवनव्या पावसाळी स्पेशल रेसिपीज किंवा पदार्थ कसे बनवायचे ते पाहूयात...

सुरूवात करूया गावरान पानगीने- ही पानगळी म्हणजे, केळीच्या हिरव्यागार पानावरची लुसलुशीत भाकरी!
तर अशी ही साधी, सोपी अन् सात्त्विक अशी वाडवळांची पानगी. सहज वाटले तर वाडीतली तयार हिरवीगार केळीची पाने आणून, भाकरीचे पीठ भागवून करता येण्याजोगा पौष्टिक पदार्थ! कधीतरी धुंद पावसाळी संध्याकाळी आम्ही घरी आलो की आई गरमागरम बनवून द्यायची वाफाळत्या चहाबरोबर. थंडीमधल्या संध्याकाळीदेखील आई अशीच पानगी थापायची अन् घरभर दरवळ पसरायचा....
वरुन क्रिस्पी आणि आतंनं मऊशार लुसलुशित ही पानगीची खासियत... केळीच्या पानावरची म्हणून नाव पानगी.

आवडेल तुम्हालाही कदाचित त्या पानगीच्या साधेपणामुळेदेखिल... 😊